BUŊGƐI WALII 18
Waŋnda Pɛɛku o Suɛi Numnde Niŋ
Kɔliŋtiaŋ Tasoo 9:19-23
SƆƆŊ KULLOŊ: Tosa mi wanaa cho num nilaŋ yaŋɔɔ wa yiyaŋ, okoŋ, ma sina maa a pɛɛku nyɛ sɔvɛ o suɛi numnde niŋ.
VƐƐ Ŋ TOSA YƐ HEI?
-
Sina nyɛ wanaa cho num nilaŋ yaŋɔɔ wa a sina wo. Miŋgi lɛ sondoo o nyɛ nda sina wo choo le kɛ, mala nda ma che nyɛ nda sina koŋ ndo o nɛi teŋgeŋndo choo.
-
Yaasiaa ma yiyaŋ. Te o bɛnda pɛ, soliŋ sɔɔŋ waŋnda sina lapi le woŋ kpeku a sɔɔŋ sɛnɛiyoŋ le taamaseliilaŋ kɛsioo le sɔɔŋ kulloŋ. Yiyaŋ nyɛkɛndɛi o suɛi numnde choo nduyɛ ma yiyaŋ a mɛɛ i vel nyɛ ŋ cho dimioo wo yɛ.
-
Chɔm maa nyɛ ŋ cho dimioo wo cho o sɔvɛ. Tɛɛsiaa mɛɛ bolii Baabuiye mala wanaa cho num nilaŋ yaŋɔɔ wa o yoomula ndalaŋ niŋ yɛ. Soo a bahawɛilaŋ okɔɔ, kaalaŋ, a niilula wanaa cho num nilaŋ yaŋɔɔ wa nɔ yeemɛi leniŋ ndaŋ.