Piɛi ma toosiaŋ nyɛkɛndɛi. Piɛi le malaa le ma handu kɔllo o suɛi ŋ cho toosiaa ve choo, kɛ tiindaŋ o numpila niŋ te. Kɛsiŋ sɔɔŋ kulloŋ o kɔl, sɔɔŋ ŋ yeema ma soo woŋ. Soo mɛɛ numpila suaa yɛ. Veelu lɛ diomndaŋ mɛɛ mɛɛ la cho la poonyiaa o yauwo choo yɛ le.

Soo a kɔllo kpou. Yiyaŋ le sabu wanaa cho num nilaŋ yaŋɔɔ wa nɔ ma tuei nyɛ ŋ cho dimioo wo. Handu nda kɔllo choo. Okoŋ, mɛɛ ŋ sim yɛ, mɛɛ ŋ cho balaŋ yoondiaa yɛ, a mɛɛ ŋ cho hɔlla tosa yɛ cho nda dimul mɛɛ ŋ yiyaŋ a suɛi keŋ yɛ, nduyɛ a mɛɛ ŋ yiyaŋ a nda yɛ.

Tofa wanaa cho num nilaŋ yaŋɔɔ wa. Wa wanaa ŋ cho suɛi o nda lo wa tofaa hɔlla te a wa pɛ suɛi. Te a wa pɛ suɛi yɔŋgoo, tofa wanaa cho num nilaŋ yaŋɔɔ wa a pilɛŋ pilɛŋ. Kei nda kpou hɔlteŋ choo o lepilɛ niŋ ma faŋa le.