Tosa yaasiaa le yooŋgula tonyalaŋ. Tɔl nyɛ ŋ cho dimioo wo o Diom Mɛlɛkaa choo, te o bɛnda pɛ. Veelu diomndaŋ leniŋ sakpo. Te sɔɔŋ wanaa sinaa dɛniaa bɛnduaa dimi woŋ ni, tofa o yaula lakonalaŋ niŋ, sɔɔŋ yɔŋnaŋndoŋ ɔɔ sɔɔŋ waŋnda yaasiaa ma cha maa tonya woŋ. Tosa a sabu maa yooŋgula ŋ cho soliŋndo kpekulaŋ la cho wɔ tonya.

Soliŋ naa layooŋguaa haa kpeku nyɛkɛndɛi. Tɛɛsiaa bolii Baabuiye le sabu nda poonyiaa ndi wo. Tɛɛsiaa ndi mi i chɛlaŋ a yooŋgu Baabuiyo nɔ wo, nduyɛ a mɛɛ “buɛi cho sakpo, nduyɛ, mbo wa buɛi kɔl kalu wo” tɛɛsiaa ndi o yaula ndalaŋ niŋ yɛ. (Maa. 24:​45) Soliŋ yooŋgula wanaa sinaa dɛniaa kpeku le mbo chɛlaŋ a mɛɛ wana poonyiaa ndu wo yeema mbo wa yɛ.

Tosa mi waŋnda yiyaŋ. Te a chii pɛ bolle Baabuileŋ diomndaŋ veelu, ɔɔ fonda layooŋgoo, soli nyunaa ɔɔ ma tuu suɛi kalɛi le mi wanaa cho num nilaŋ yaŋɔɔ wa yiyaŋ okoŋ ma laalaŋ a ba nda.