Nuawɔ fotueilaŋ o yauwo hoo niŋ. A cho pa chɔɔ mɛɛ Seiyaa Chɛhowaa chaa chuɛinɔŋndo le kɔlaŋ o bɔŋaŋnda ndalaŋ yɛ? Le yɛɛ naŋ chuɛinuŋ yɛ naa nyɛkɛndɛi le kɔlaŋ o bɔŋaŋnda naalaŋ?

Le Mɛlɛka naa bɛɛleŋ kioo. Tonya icho ni. O cho nyɛ naŋ wounuŋ lekɔɔ wo le Mɛlɛka cho nuaa le. (Saamiɛɛ Tasoo 16:7) Kɛ o wa bɛɛ lende, te o yɔŋ pɛ miŋ chuuŋgiaŋ le ndu piɛiyo, ŋ yeema miŋ chɔm bɛɛleŋ le ndu a chaaŋaa naa wanaa laalaŋnda. Te o yɔŋ pɛ ma wa kɔlaŋ o masa lelɛŋndo lo, mɛɛ ma chuɛinuŋ nyɛkɛndɛi le ndu bɛɛleŋ kioo, lende le? Lende ko i cho a naa ni. Mɛɛ naŋ chuɛinuŋ le kɔlaŋ o bɔŋaŋnda naalaŋ yɛ chɔm maa ŋ ke ‘masaa le chieeŋndo kpou’ bɛɛleŋ, ndu cho yɛ Chɛhowa Mɛlɛka ni. O chɔm vɛlɛ maa ŋ ke fonda naŋ cho kɔlaŋndo bɛɛleŋ.—Timoti Tasoo 1:17.

Le chɔmndo maa ŋ cho tolɔɔ nyɛ naŋ cho pɛɛkoo wo kɔɔli. Baabuiyo dimul Kilisiɔŋnda maa a nɔ ma “chuɛinuŋ chuɛinɔŋ lebiɔɔ,” maa wanaa nɔ siooŋii Mɛlɛka. (Timoti Tasoo 2:9, 10) Yɛɛ cho yɛ “chuɛinɔŋ lebiɔɔ”? Ndu cho ni, nyɛla waŋnda muli naa hɔlla kɔɔli laŋ kiɔɔ wounɔŋ­ndo, nyɛla vɛmtu vɛmtulaŋ, nyɛla ŋuau naa dialloŋ ndaŋ, vɛlɛ a nyɛla pɛɛlaŋ ndaŋ. Chuɛinɔŋ lebiɔɔ mala naa miŋ wounuŋ nyɛla lebɛɛ laŋ. O cho sawa kpaŋkpaŋ te Baabuiyo wou le. Baabuiyo ke naa dioo le miŋ tosa chuaŋ chuaa a mɛɛ naŋ chuɛinuŋ yɛ. Miŋ suu bɛɛ le, chuɛiyɔŋ naa nɔla ‘mbo hiŋ a tɔɔ kɛndɔɔ o Mɛlɛka piŋi naa wo lo.’ Nduyɛ, mbo hiŋ vɛlɛ a “saŋgalaa o Mɛlɛka lo.” (Taitɔɔ 2:10; Pitɛ Tasoo 2:12) Mɛɛ naŋ chuɛinuŋ yɛ tosa ni mi waŋnda che mɛɛ wana piɛi Chɛhowa yɛ.

Hoo chɔm naa maa mɛɛ ma nɔ nyɛla baa kalalaŋ malaŋ huŋ o Toŋgo leMasaa niŋ te. La kɛ kɛ naŋ nɔ pɛ, halikpeŋ la wa la diandaa, nduyɛ, mila bɛnda le fulaa o luŋ.

• Vɛɛ chuɛinɔŋ naa cho yɛ nyɛ sɔwɛ o Mɛlɛka piɛiyo niŋ?

• Sawala Baabui kuɛɛ naŋ tuallɛ kɔɔli te o yɔŋ pɛ miŋ wa chuɛinɔŋndo?