A yeema ma chɔɔlu kɔl kalu Baabuiyo sɔla? A yeema ma sina a bolle Baabuileŋ, waŋndo, fondaa, te koŋ te a nyɛ cheleŋ okɔɔ o Baabuiyo niŋ? Baa a yiyaŋ niŋ pa maa Diom Mɛlɛkaa mala num a bahawɛila numndaŋ? Te a yeema pɛ ma sina, mɛɛ kɔ wɔ naa kɛsiaa layauwa o Toŋgo leMasaa niŋ ma tosa yaasiaa pɔmbɔ.

Yaula mala num le sɔɔŋ yaasiaa woŋ la cho loŋ. O kpee­kpei niŋ, o cho yaula Seiyaa Chɛhowaa kpou le ŋ nɔ o suɛi ­maŋgalɛi numnde niŋ te. Kɛ naa kɛsiaa layauwa o Toŋgo leMasaa niŋ nɔ yaulaŋ puɛɛ. O nɔ Baabuila yɛ yɛla waŋnda hivilaŋ, yaula tɛɛsiaa diomndo vɛlɛ a yaula cheleŋndaŋ. Tuupa mi bɔŋaŋndo kanduŋ te koŋ te ŋ mal pɛ, a kua o fondaa hoo ma yaasiaa nyɛ ŋ nɔ o kɔllo. Te o yɔŋ pɛ mi kɔmpitɛiyo wa loŋ, kɔmpitɛi koŋ nɔ nyɛ leniŋ o nɔ yaula naalaŋ kpou leniŋndo. O mala naa miŋ tofa nyɛ naŋ cho nuuviaa wo chɔ chɔ. Mɛɛ o mala naa yɛ cho hoo ni, poonyiaa nyɛ ŋ yeema yaasiaa wo leniŋ. Te diomndo ni, bolle Baabuileŋ, te koŋ te suɛi ŋ yeema yaasiaa ve, a tiuba ma saaluŋ.

O mala sukuuwaa cho o Bɔŋaŋ Yoomu leKilisiɔŋndo a Wali Pollo niŋnda. A soliŋ naa naŋ tosa yaasiaa o Toŋgo leMasaa niŋnda kpeku le sɔɔŋ num bɔŋaŋndoŋ toosiaa. Wana cho Bɔŋaŋ Yoomu leKilisiɔŋndo a Wali Pollo chilaŋndo cho fondaa hoo lehɔl ni. Ndu nɔ ni mbo kɛsi yau o yau sɛnɛi hiŋ o naa kɛsiaa layauwa haa, nduyɛ mila wa la kɛsiaa nyɛkɛndɛi. Ndu, te koŋ te, wana cho num Baabuiyo pɛɛkoo wo chɔm num mɛɛ ŋ yaasiaa suɛi ŋ yeema tofaa ve yɛ. Kɛ a koŋ kpou ni, kɛsiŋ hei o kɔl maa yauwo opilɛ bɛɛ nɔ mbo fula loŋ te. Nduyɛ, a nɔ ma nyasu nyɛɛmbuii nii bɛɛ o yaula laŋ niŋ te.

Baabuiyo dimi maa le kɔl kalu Mɛlɛkaa sɔlaa, ŋ nɔ miŋ yɔŋguŋ naapila a kɔllo kpou le ndu nuuviaa mɛɛ wana nuuviaa naa sianioŋ yɛ. (Pulɔwaa 2:1-5) Naa kɛsiaa layauwa o Toŋgo leMasaa niŋ mala num le yaasiaa hoo kandɔɔ.

• Wolɔɔla yaasiaa la suu kuɛɛ naŋ nɔ yɛ naa kɛsiaa layauwa o Toŋgo leMasaa niŋ?

• Nɛɛ mala yɛ num le naa kɛsiaa layauwa haa kpeku soliŋ nyɛkɛndɛi?