Toŋgo leMasa Seiyaa Chɛhowaa kɛ kɛ fee nɔ diola Mɛlɛka laŋ le choo. Lelaŋ, naa kpou ŋ naŋ kɔl le miŋ dɔu balaŋ diompilɛ le ndu waa dindioo. Nduyɛ koŋ tosa ni mbo naŋ nyɛkɛndɛi le nuaa. Fondaŋ naŋ piɛi Chɛhowa wo nɔ mbo wa o diandaa walaŋ.

Te bɔŋaŋndo chuu pɛ, a sɔɔŋguu le dindioo. Lepaa o lepaa bɔŋaŋndo chuu pɛ, puaapiliaa a ndepiliaa wa a kɔl kɛndɛ tau le Toŋgo leMasaa dindioo. O paŋgei niŋ, ŋ tosa dindi bɛndoo lepilɛ. Nɛɛ yaa wa yɛ dindioo hoo lachi? Bɛndu kundaa, te koŋ te buɛi malalaŋndo. Tuupa mi dindioo kanduŋ, a mɛɛndaŋ fɛŋ, okoŋ ma sina nyɛ nɔ le tosaŋndo wo. O hei niŋ a dimul niko waŋnda le ma yɔŋguŋ ndapila. Naapum le chiɛiyo basɔɔ, tɔɔ, kpeŋkpeilaŋ solioo o bɛɛ, wɔɔsuu wo laŋ, windɛilaŋ wɔɔsuu wo, vɛlɛ a waiyia wo ndu balɔɔ silɔ. O bɛnda te ŋ wa pɛ dindioo, chuauwaa naa bɛɛ ŋ ke nda balaa le tosaa. Hei tosa ma pɛɛku le fondaŋ naa le piɛiyo bɛɛleŋ kioo.—Ikilisiaatii 5:1.

Naa kpou ŋ mala le Toŋgo leMasaa miŋgioo toosiaa. Wɔsi o wɔsi fee, mɛɛ miŋ mɛɛndaŋ Toŋgo leMasaa te o cho pɛ o kɛndɛ leniŋ a o kɔɔ. Mɛɛndaŋndo hoo tosa ni miŋ sina naa toŋgoo nɔ le toosiaŋndo wa. Hei mala naa ŋ luei bɔnɔ bɛndu le ndu toosiaa le. (Koloniko Diiŋ Ndɔɔ 24:13; 34:10) Fondaŋ naŋ piɛi Mɛlɛka wo Toŋgo leMasaa cho ni. Lelaŋ, lɔɔlɔɔ fee o nɔ mbo wa nyɛkɛndɛi. Te ŋ wa pɛ yɔŋgɔŋndo lɔɔlɔɔ le wallo hoo tosaa, o chɔm maa ŋ nɔ kaalaa le Chɛhowa nduyɛ ŋ hɛnaŋ a fondaŋ naa le piɛiyo. (Sam 122:1) Hei huŋ vɛlɛ a diola kɛndɛlaŋ wanaa naŋ challa tɛɛŋ.—Kɔliŋtiaŋ Diiŋ Ndɔɔ 6:3

• Le yɛɛ o bɛnda yɛ miŋ buulaŋ le fondaŋ naa lepiɛiyo kɛsioo nyɛkɛndɛi?

• Kɛɛsiaa yɛɛ cho yɛ le Toŋgo leMasaa dindioo?