Wɔsi o wɔsi, kɔɔna naa toosiaa Baabuilaŋ vɛlɛ a yaula cheleŋ o miiliɔŋndaŋ niŋ. Yaulaŋ ndaŋ kpou, ŋ pisi laŋ te. ­Fondo fuu naŋ ke waŋnda laŋ ni. Ŋ taŋgul vɛlɛ Toŋgola ­leMasalaŋ, vɛlɛ a lɛuwoŋ o lɛŋii yɛ yɛi niŋ. O fula o laŋ taŋgullo kɔɔli, ŋ bii laŋ vɛlɛ nyɛkɛndɛi. Kɔɔnaa hoo toolu vɛlɛ yuŋgoo Bɛtɛl vɛlɛ a wanaa o yɔŋ o lɛŋnde kɔɔli le yooŋgu kɛndɔɔ dimioo wa. Nduyɛ, ŋ yɔŋgu vɛlɛ malaa le chaaŋaa naa laalaŋaa nyɛpalaa del choo wa. Naapum kaamaa bii num niŋ ma nyuna aa; ‘Kuɛɛ nyɛsɔlaa hoo cho yɛ fulaa?’

Ŋ kilu wana nyɛsɔlaa choo le, ŋ keela wana peetii o hɔl le nyɛsɔlaa le. Mi che bɛɛ naa nyɛsɔlaa yeemaŋ tau le wali naa dimiaa yooŋgu kɛndɔɔ hoo hivioo lachi, a koŋ kpou, ŋ nyɔɔlu waŋnda le nyɛsɔlaa le. O wɔsila kɛmɛla hiou laŋ niŋ, mi Bandu Mɛŋgɛlaa naa pilɛ dimi hei aa, ŋ laalaŋ maa Chɛhowa cho naa baa amakɔɔ ni. Lelaŋ, “fɛɛŋ fɛŋ bɛɛ ŋ nyɔɔlu wana o wana le nyɛsɔlaa le”—nduyɛ pesiŋ bɛɛ i yɔŋnuŋ te.—Maatiu 10:8

Baala naa hoo cho o toolaŋ a mɛɛ wana o wana kɛɛsiaŋ

o kɔl le malaa yɛ. Wanaa bɔɔbɔɔ hɛnaŋ a wali naa pɛɛkaa ­Baabuiyo, okoŋ, ma mala a mɛɛ nda kɛɛsiaŋ o kɔl lɛ. Seiyaa Chɛhowaa kɛsɛ kɛsɛ bɛɛ soliŋ teleŋ ndaa sala, yoomuma ndaŋ, nyɛ nda sɔlaa vɛlɛ a nyɛm cheleŋndoŋ le hɛnaŋ Mɛlɛkaa tosaa. (Koloniko Tasoo 29:9) O Toŋgo leMasaa niŋ, a o fondaŋnda naala bɔŋaŋda bɛndaŋ, kɔfulaŋ la cho loŋ. Wana o wana yeema pɛ wali Mɛlɛkaa tooloo a mɛɛ ŋ kɛɛsiaŋ o kɔl lɛ, a duau nyɛ ŋ nɔ wo o laŋ niŋ. A yɔŋgu vɛlɛ toolu ŋ nɔ wo sanaa o tɛɛŋgii nɛi jw.org. O dimi niŋ kpeekpei, o cho wanaa nyɛsɔlaa hɔbɛi le duau nyɛsɔlaa hoo le. Apum, a cho ko mɛɛ chua bahawɛi pilɛ wa yɛ, o pɔnɔ ndɔ ndoo vi wo. O ndoo dɔu kaniŋ pɔmbɔŋ ŋmuuŋ o kɔfu maaŋndo niŋndo. Mi Chiisu suaa a chuaa hoo okɔɔ. (Luku 21:1-4) Wana yeema pɛ, o “kɛsi nyɛsɔlaa pɔmbɔ” le yɔŋgoo a ‘mɛɛ o kɛɛsiaŋ o kɔl le yɔŋgoo yɛ.’—Kɔliŋtiaŋ Tasoo 16:2; Kɔliŋtiaŋ Diiŋ Ndɔɔ 9:7.

Ŋ nɔ tiindaŋndo maa Chɛhowa cho hiouwɔɔ lachi a waŋnda kɔltaŋ nyindɔɔ, a yeema ndu ‘bɛɛleŋ kioo sanaa a nyɛm ndaŋ sulaŋ nda.’ Le yooŋgu kɛndɛ lemasa Mɛlɛkaa hivioo lachi nda cho hei tosaa ni.—Pulɔwaa 3:9.

• Yɛɛ tosa yɛ kɔɔna Seiyaa Chɛhowaa teŋgeŋ a kɔɔnala piɛiyii cheleŋnde?

• Vɛɛ naŋ soliŋ yɛ nyɛsɔlaa naŋ sɔla wo kpeku?