Mɛlɛka yeema naa miŋ wa a nyaale vɛlɛ a kɔl kɛndɛ o kpele hɛnɛkiɔɔ niŋ o lɛŋndeŋ choo.

Mi kɔndɔfillo bii num dɔɔ ma nyuna aa, ‘Vɛɛ hei looku yɛ niŋ yɔŋnɔŋ?’ Baabuiyo dimi maa Masale Mɛlɛkaleŋ le cho tosa ni mi hei yɔŋnuŋ. Nduyɛ hɛnaŋ ndɔɔ cho ni le mi waŋnda kpou pɛɛku a Masale leŋ okɔɔ vɛlɛ a sabu ndɔɔ le naa.—Sam 37:11, 29; Aisaya 9:7.

Mɛlɛka yeema naa miŋ tuei yoomoo yeela.

Mɛɛ mɛɛ finya kɛndɔɔ yeema naa nyɛ cho o kɛndɛ le chuauwaa nduaa wo yɛ, lende koni Mɛlɛka Finya naa o choo choo niŋ yeema naa ni miŋ tuei yoomoo yeela lefafɛɛŋ a nyaale. (Aisaya 48:17, 18) O mɛi lediom maa “wana o wana tosa nyɛ Mɛlɛka hɛnaŋ ndo pɛ, o cho wa yoomu le fɛɛŋ a fɛɛŋ.”—Chɔŋ Tasoo 2:17.

Mɛlɛka yeema naa miŋ tol silala ndɔlaŋ kɔɔli.

Baabuiyo dimi maa Mɛlɛka ‘cho naa pɛɛku nyɛ yeema naa mi ŋ tosa wo’ okoŋ ŋ tiu ba miŋ “mi ŋ wa o nɛi ndɔɔ choo.” (Aisaya 2:2, 3) Le saboo hoo, o kɔɔna ŋwaŋ “le waa wanaa ndɔ” halikpeŋ ma chɔm waŋnda hɛnaŋ ndɔɔ o chieeŋndo choo kpede

Mɛlɛka yeema naa miŋ wa diompilɛ o ndu piɛiyo niŋ.

Piɛile diandaa le Chɛhowaleŋ le piɔu ŋwaŋ tɛɛŋ te, kɛ a cho o diompilɔɔ niŋ, nduyɛ kaala kpeekeiyo cho nda tɛɛŋ. (Chɔŋ 13:35) Nɛɛ waa cho yɛ hau waŋnda pɛɛkoo ba o ba fee le Mɛlɛka piɛiyo o diompilɛ niŋ. Ŋ cho num dɛɛniaa le ma nuuviaa mulioo le nyunaa hoo o yauwo hoo niŋ.