Naa kpede ŋ yeema nyɛsɔlaa le bahawɛilaŋ solioo o yuŋgula naalaŋ niŋ. (Pɔlɔwaa 30:​8) Nduyɛ “nyɛsɔlaa soli bahawɛilaŋ.” (Ikilisiaatii 7:​12) Lepum, o wa suɛi kala le mi pɔnɔɔ a lanɔɔ soo a nyɛsɔlaa okɔɔ. Kɛ la chɛl mi nyɛsɔlaa hiŋ a sɔŋgɔɔ o nɔɔ niŋ te. (Ɛfisiaŋnda 4:​32) Pɔnɔɔ a lanɔɔ nɔ kuee ma nɔ laalaŋndo ndapila tɛɛŋ, nduyɛ ma tosa kɛɛsiaa diompilɛ mɛɛ nda nɔ ma soliŋ nyɛsɔlaa kpeku yɛ.

NYƐ BAABUIYO DIMI WO: “Nya kinɛi, te wana wa yɛ nya tɛɛŋ mbo hɛnaŋ le chiɛi bɛndoo taŋgullo, wana koŋ o chel fɛɛŋ mbo tuu mɛɛ kpɛ nyɛ sɔlaa va mbo va tuuleŋ le taŋgul kalaa chiiyo yɛ le?” (Luku 14:​28) I cho suɛi sɔvɛ le mila tuu diompilɛ mɛɛ nya nɔ mila soliŋ nyɛsɔlaa kpeku yɛ. (Emɔs 3:​3) La tuu nyɛ nya nɔ mila pendu wo, nduyɛ mɛɛ nya tiuba le ndu piondɔɔ yɛ. (Pɔlɔwaa 31:​16) Nɔ bɛɛ nyɛsɔlaa le nyɔɔ pum piondɔɔ, koŋ chɔm naa maa a nɔ ma pendu ndu kaŋgalaŋ te. Chua kuee le. Soliŋ nyɛsɔlaa ŋ nɔ wo kpeku.—Pɔlɔwaa 21:​5; 22:​7.

NYƐ Ŋ NƆ MA TOSA WO:

• Te nyɛsɔlaa lo nya o ba pɛ o paŋgei mɛɛlulaŋ, la kɛɛsiaa diompilɛ le nyɛ nya nɔ mila tosa a ndu wo

• Te la che pɛ maa nyɛsɔlaa cho nya lo o ba kposoŋ te, la faŋa nyɛm nya tuu le piondɔɔ woŋ ŋtiŋ lechoo. Le tamaseliiyo, la yau nyɛdiaa a ba nya. La wa o yauwaa piondɔɔ le

NYƐ BAABUIYO DIMI WO: “Kani fondole, nyɛ naa ŋ kɛɛsiaŋ o kɔl lo cho ni maa o cho ko nyɛ va sanaa Masanɔɔ Mɛlɛka o hɔl lo tosaa le, kɛ nduyɛ vɛlɛ, nyɛ va ŋwaŋnda chiee o hɔl sanaa wo.” (2 Kɔliŋtiaŋ 8:21) Dimul wana nya cho o nɔɔ niŋndo tonyaa a nyɛ num sɔlaa okɔɔ, nduyɛ a mɛɛ ŋ soliŋ ndu kpeku yɛ.

Lɔɔlɔɔ ŋ yeema pɛ nyɛ num sɔlaa soliŋndo kpeku tau, dimul wana nya cho o nɔɔ niŋndo. (Pɔlɔwaa 13:10) Te la wa pɛ suukaŋndo a nyɛsɔlaa okɔɔ o nɔ nyaa niŋ, la nɔla mila sɔla kɔl nyuloo. Tofa nyɛ num sɔlaa maa numpilɛ le nɔ ndu le, kɛ le yuŋgoo o cho ni.—1 Timoti 5:8.

NYƐ Ŋ NƆ MA TOSA WO:

• La chɛlaŋ mɛɛ kpɛ wana o wana nɔ mbo soliŋ nyɛ sɔlaa kpeku yɛ

• La chum fɛŋ mi bahawɛiyo luɛi malaŋ nya suukaŋ a nyɛsɔlaa okɔɔ le