O sawala mandaalaŋ choo sawala Mɛlɛkalaŋ la tɔlnuŋ ni. Sawala mandaalaŋ ndaŋ la cho tonyala tase naŋ saaluŋ o Baabuiyo niŋndaŋ ni. La mala naa miŋ bii bila mɛɛ Mɛlɛka yiyaŋ a sɔɔŋ okɔɔ yɛ. Sawala mandaalaŋ la mala naa le kɛɛsiaala kɛndɛlaŋ tosaa o yoomoo niŋ. La mala naa miŋ tosa suɛi kɛndɛi. Te sawa Mɛlɛkaa suu kpeekpei a suɛi pum okɔɔ le, sawala mandaalaŋ la mala naa ni.

▸ Buŋgɛi 1, pɛl 8

Chɛhowa diikɔŋndo sim ni, tosaa nyɛ o dimul naa wo a kɔllo kpou. Chɛhowa yeema naa miŋ diikuŋ ndu le mɛɛ naŋ kaala ndu yɛ. (Chɔŋ Tasoo 5:​3) Te ŋ kaala pɛ Mɛlɛka nduyɛ miŋ tiindaŋ ndu, ŋ cho silala ndɔlaŋ tolɔɔ kɔɔli o nɛi o nɛi niŋ. Ŋ cho vɛlɛ ndu diikɔŋ o yɔŋ bɛɛ mii wa ikala le naa. O bɛnda bɔɔ le miŋ diikuŋ Chɛhowa, kanifuule o cho naa pɛɛkoo mɛɛ naŋ sɔla yoomu sɔviɔɔ suŋ suŋ yɛ. Nduyɛ o mɛi lediom maa ŋ cho tɔnɔlaŋ sɔla tau o chilaŋ niŋ.—Aisaya 48:​17.

▸ Buŋgɛi 1, pɛl 10

Chɛhowa ke wana o wana hɛnɛkɛyɛi ɔɔ dioo le chuaŋ chuaa tosaa. O toosiaa naa le miŋ wa maa maasii le. (Ditɔnɔmii 30:​19; Chɔɔsuaa 24:​15) Ŋ soliŋ hɛnɛkɛyɛi nɛi kpeku le kɛɛsiaala kɛndɛlaŋ tosaa. Kɛ te ŋ mandaŋ te, miŋ tosa kɛɛsiaala wɔŋndaŋ. Hɛnɛkɛyɛi nɔɔ sim ni maa ŋ nɔ miŋ kɛɛsiaa te ŋ cho pɛ lo Chɛhowa kɔɔli nduyɛ miŋ chɔm kpeekpei maa ŋ kaala ndu.

▸ Buŋgɛi 1, pɛl 12

Chɛhowa ke naa nɛila chɔmaalaŋ le mi kaala naalaŋ la wa la diandaa. Ŋ nɔla miŋ saaluŋ ndaŋ o Baabuiyo niŋ nduyɛ miŋ che mɛɛ la mala naa miŋ nɔ yoomu sɔviɔɔ yɛ. (Pulɔwaa 6:​16-19; Kɔliŋtiaŋ Tasoo 6:​9-11) Nɛila  chɔmaalaŋ ndaŋ la mala naa miŋ sina nyɛ cho o kɛndɔɔ a o wɔɔŋndo Mɛlɛka o hɔllo. La mala naa miŋ chɔm kaalaa, miŋ tosa kɛɛsiaala kɛndɛlaŋ, nduyɛ miŋ tosal waŋnda kɛndɛi. Mi che bɛɛ chieeŋndo cho kɔlaŋ a lindaŋndo o kaala nɔɔlɛilaŋ niŋ, kɛ fɛɛŋ bɛɛ Chɛhowa siŋga yiyaŋ ndɔɔ le. (Ditɔnɔmii 32:​4-6; Malakai 3:​6) Te ŋ tol pɛ nɛila ndɔlaŋ kɔɔli, ŋ cho wa kɛndiaa, nduyɛ miŋ wa a nyaale o yoomoo niŋ.

▸ Buŋgɛi 1, pɛl 17

Nyɛ mala naa le sinaa ikɛndɛi tɛɛŋ a iwɔɔŋnde wo cho kɔl iyama naa ni. Chɛhowa ke naa kpou kɔl iyamaa. (Luomaŋnda 2:​14, 15) Le mi kɔl naa iyamaa tosa wallo nyɛkɛndɛi, mɛɛ miŋ soliŋ nɛila chɔmaala Chɛhowalaŋ kpeku le ndu pɛɛkoo. Okoŋ, mi kɔl naa iyamaa mala naa le miŋ tosa kɛɛsiaala nɛŋi Mɛlɛka kɔllo laŋ. (Pitɛ Tasoo 3:​16) Mi kɔl naa iyamaa sila naa te ŋ wa pɛ kɛɛsiaala wɔɔŋndaŋ tosaa. Te ŋ tosa pɛ suɛi wɔɔŋnde, mbo tosa miŋ tambu kɔl. Mi kɔl naa iyamaa pɛŋgi wallo. Kɛ a mala Chɛhowaa, ŋ nɔla vɛlɛ miŋ tosa mbo kandu wallo. Kɔl iyama walaŋndo ke naa kɔl nyuloo, nduyɛ, miŋ nɔ bɛɛleŋ le naapila.

▸ Buŋgɛi 2, pɛl 3

Siooŋnde nɔɔ le Mɛlɛka cho kaalaa a bɛɛleŋ nɔɔ tau le ndu ni. Nduyɛ keŋ mala naa ŋ tosa nyɛ o nyɛ tɛɛmbuu ndu kɔllo le. Siooŋnde nɔɔ le Mɛlɛka mala naa miŋ tosa o kɛndɔɔ nduyɛ miŋ mal suɛi wɔɔŋnde. (Sam 111:​10) I mala naa miŋ yaŋ Chɛhowa nilaŋ nyɛkɛndɛi. I mala naa vɛlɛ miŋ tosa nyɛ naŋ chuel Chɛhowa buŋgɛiyo kanifuule ŋ nɔ bɛɛleŋ tau le ndu. Mi siooŋii Mɛlɛkɛi piiliaŋ mɛɛ naŋ yiyaŋ yɛ, mɛɛ naŋ bii waŋnda yɛ, a kɛɛsiaala naŋ tosa lepaa o lepaa laŋ.

▸ Buŋgɛi 2, pɛl 9

Yɔŋ wɔɔŋndo malɔɔ cho kɔl waŋndo tambu tau le suɛi wɔɔŋii o tosa ve ni. Mi kɔllo tambu wanaa kaala Mɛlɛka wa tau te a sina pɛ maa a tosa nyɛ chɛlaŋ a nɛila chɔmaala ndɔlaŋ te wo. Te ŋ tosa pɛ suɛi wɔɔŋnde,  ŋ nɔ miŋ nyɔɔlu Chɛhowa le mbo mal naa haki o sabu sala baŋaa Chiisu wo niŋ. (Maatiu 26:​28; Chɔŋ Tasoo 2:​1, 2) Te ŋ mal pɛ yɔŋ wɔɔŋndo tosaa, ŋ nɔla miŋ nɔ tiindaŋndo maa Chɛhowa cho naa malɔɔ haki. Ŋ nɔ lɛ kposoŋ miŋ tambu kɔl le nyɛ naŋ tosa o paandoo niŋndo le. (Sam 103:​10-14; Chɔŋ Tasoo 1:​9; 3:​19-22) Ŋ nɔ miŋ tosa wallo kalaŋ le miŋ pɛɛku nyɛ o biondɔŋ naa niŋ, miŋ siŋga yiyaŋ naa, nduyɛ miŋ tol nɛila chɔmaala Chɛhowalaŋ kɔɔli.

▸ Buŋgɛi 2, pɛl 18

Te wana tosa haki wɔɔŋ wɔɔŋndo wo kɛɛ pɛ le yɔŋ ndɔ wɔɔŋndo malɔɔ nduyɛ mbo kɛɛ le nɛila chɔmaala Chɛhowalaŋ tolɔɔ kɔɔli, kposoŋ bɛɛ o ve lɛ o kundaa niŋ te. O nɔ mbo sɔla solioo. Te waŋndo sɔla solioo pɛ, ŋ nɔ lɛ mako a ndu le. Nduyɛ, suukaŋ ve lɛ naa tɛɛŋ te. (Kɔliŋtiaŋ Tasoo 5:​11; Chɔŋ Diiŋ Ndɔɔ 9-11) Kɛɛsiaa hoo faŋa tɔɔ wɔɔŋndo diola Chɛhowalaŋ choo a kundaa ni. (Kɔliŋtiaŋ Tasoo 5:​6) Silaa hei cho vɛlɛ le wana yɔŋ wɔɔŋ koŋ ni. Silaa hoo mala ndu mbo mal yɔŋ wɔɔŋndo tosaa okoŋ mbo miiŋgu Chɛhowa o ibuŋ.—Luku 15:​17.

▸ Buŋgɛi 3, pɛl 19

Chɛhowa kaala naa nduyɛ o yeema mbo mala naa. Le saboo hoo, o cho Baabuiyo a wanaa kaala ndu wa soliŋndo kpeku le naa silaa a naa nɛi chɔmaa kioo ni. Wanaa lahakiaa naŋ cho ni. Le hei, ŋ hau bɔɔ ba a malaa hoo. (Chɛluimaya 17:​9) Te ŋ yaŋ pɛ wanaa Chɛhowa cho soliŋndo kpeku le naa nɛiyo chɔmndo wa nilaŋ a lebɛɛ, mɛɛ ŋ chɔm maa ŋ nɔ bɛɛleŋ le ndu, nduyɛ maa ŋ yeema miŋ diikuŋ ndu.—Hibuluiya 13:​7.

▸ Buŋgɛi 4, pɛl 2

Le mɛɛ naŋ cho wanaa lahaki yɛ, i wa tɛtɛlɛ le miŋ nɔ kaa heelaŋndo. Kɛ Chɛhowa yeema naa miŋ tusiŋ. Ŋ kandu tusiŋndo pɛɛkoo te ŋ tuu pɛ naapila a Chɛhowa okoŋ miŋ che mɛɛ kpɛ naŋ dɔɔnaŋ yɛ. (Choobu 38:​1-4) Ɔɔ nɛi cheleŋ le tusiŋndo pɛɛkoo? Mɛɛ miŋ handuŋ yeemaŋ acheleŋnda lachi mbo hiou yeemaŋ naŋ. Heelɔŋndo tosa mi waŋndo yiyaŋ maa o bɛnda mbo hiau acheleŋnda. Wana tusiaŋndo ndu, te o mɛɛndaŋ pɛ ndupila nyɛkɛndɛi, mbo che maa o cho nyɛ o nyɛ fee le o sina le. O nɔ lasiɔmbu le biondɔŋnda ndɔlaŋ chɔɔmuuwo le. O nɔ lasiɔmbu le nyɔɔloo le. Nduyɛ mbo chɛl nɛi chɔmaa a sila nda ke ndu wo. Wana tusiaŋndo tiindaŋ Chɛhowa nduyɛ mbo tol nɛi ndɔ chɔmaa kɔɔli.—Pitɛ Tasoo 5:​5.

▸ Buŋgɛi 4, pɛl 4

Chilaŋ chuaa cho dioo nɔɔ le nɛi chɔmaa yɔŋgoo a kɛɛsiaalaŋ tosaa ni. Chɛhowa hiou kpaayaa nɔ o choo choo niŋ a o chieeŋndo choo. Ndu toosiaa nyɛ o nyɛ fee ni. Le hei, ndu cho Wana hiou kpaayaa nɔ kpou wo ni. Lɔɔlɔɔ, mbo soliŋ kpaayaa ndɔɔ kpeku le acheleŋnda malaa. Chɛhowa ke waŋchieeya apum kalaŋndo le ma wa naa hɔlteŋ choo. Le taamaseliiyo, kalaŋ chuauwa, bɛnduaa kundaa, a masaa waa nɔ kpaayaa o tiŋ, nduyɛ Chɛhowa yeema naa miŋ tuei nda diom. (Luomaŋnda 13:​1-5; Timoti Tasoo 5:​17) Kɛ te sawala waŋchieeya chɛlaŋ a sawala Mɛlɛkalaŋ te, ŋ nɔ miŋ diikuŋ Mɛlɛka mbo hiou waŋchieeya. (Walta Wanaa Chiisuaa 5:​29) Te ŋ diikuŋ pɛ wanaa Chɛhowa cho soliŋndo kpeku le naa waa chilaŋnda, mɛɛ ŋ chɔm Chɛhowa maa ŋ ke kɛɛsiaala ndɔlaŋ bɛɛleŋ.

▸ Buŋgɛi 4, pɛl 7

Chɛhowa cho bɛnduaa kundaa soliŋndo kpeku le kundaa mandaa. Nduyɛ puaapiliaa haa nɔ taasioo. (Ditɔnɔmii 1:​13; Walta Wanaa Chiisuaa 20:​28) Puaa haa mala naa miŋ nɔ chaŋyɛi kɛndɛi a Chɛhowa, nduyɛ miŋ wa a kɔɔnaa le ndu piɛiyo a nyaale. (Kɔliŋtiaŋ Tasoo 14: 33, 40) Le yɛɛ i cho yɛ maa nyina diandaa yulu bɛnduaa kundaa iso ni?  Kanifuule, mɛɛ ma komal suliŋnda kpeekpeilaŋ lapum o Baabuiyo niŋ (Timoti Tasoo 3:​1-7; Taitɔɔ 1:​5-9; Pitɛ Tasoo 5:​2, 3) Le mɛɛ naŋ tiindaŋ kɔɔna Chɛhowaa nduyɛ miŋ wa ndu tooloo yɛ naŋ tosa nyɛ bɛnduaa kundaa dimul naa wo a nyaale ni.​—Sam 138:​6; Hibuluiya 13:​17.

▸ Buŋgɛi 4, Pɛl 8

Chɛhowa ke kalaŋ chuauwa wallo le chuauwaa ndaa a wanaa cho o yuŋgu ndaa niŋnda mandaa. Kɛ, Baabuiyo dimi maa pɔnɔɔ cho yuŋgoo bolleŋ ni. Te finyaa ve le, kalaa simnuŋ bolle yuŋgoo. Bolle yuŋgoo nɔ ni mbo nuuvial yuŋgu ndɔɔ nyɛdiaa, nyɛ chuɛyaŋndo, a naa lɔlaa. Bolle yuŋgoo nɔ ni mbo chua chilaŋ le yuŋgu ndɔɔ malaa ma piɛi Chɛhowa, nduyɛ hei cho bɔɔ suɛi sɔvɛ. Le taamaseliiyo, o nɔ mbo tosa a sabu maa yuŋgu ndɔɔ cho lɔɔlɔɔ kɔlaŋ o bɔŋaŋndaŋ a o wali pollo niŋ. A nɔ ma wa Baabuiyo pɛɛkoo latulu. Bolle yuŋgoo sim vɛlɛ lachi ni le kɛɛsiaalaŋ tosaa o yuŋgoo niŋ. Lɔɔlɔɔ, o nɔ mbo tol taamasi Chiisu wo kɔɔli le waa wana kɛndɛ, nduyɛ o beŋ isɔɔ le. O ve ŋuasu ŋuasu le. Hei mala mi kaalaa wa nda tɛɛŋ, okoŋ mi wana o wana cho o yuŋgoo niŋ hini kɔl. Hei tosa ma sɔɔŋguu Chɛhowa ikɛi kpɛɛluŋ.

▸ Buŋgɛi 4, Pɛl 12

Kunda laŋgbaa nɔ tiindaŋndo le kɔlaŋ choo choo, mi Mɛlɛka wa nda soliŋndo kpeku le wali wanaa nduaa kɔɔnaa wo, cho Dialii Kuumbaŋ Choo Ve ni. O wɔsiŋ kɛmɛ tasoŋ niŋ, mi Chɛhowa soliŋ dialii kuumbaŋ choo ve kpeku le ma chɔm kunda leKilisiɔŋndo mɛɛ nda nɔ ma piɛi ndu yɛ. Mi dialii kuumbaŋ choo ve hei yɔŋgu vɛlɛ nɛi chɔmaa o wali dimiaa yooŋgu kɛndɔɔ niŋ. (Walta Wanaa Chiisuaa 15:​2) Hau, puaapiliaa cho o Dialii Kuumbaŋ Choo Ve choo wa cho chilaŋ chuaa ni le wanaa Mɛlɛkaa nɛiyo chɔmndo a nda mandaa. Diom Mɛlɛkaa a nyina ndɔ diandaa puaapiliaa haa tiindaŋ ni le kɛɛsiaalaŋ tosaa a nɛi chɔmaa yɔŋgoo. Laŋgbaa haa kpou sɔla pɔyaa le kɔlaŋ choo choo. Chiisu veelu kundaa hoo aa “buɛi cho sakpo, nduyɛ, mbo wa buɛi kɔl kalu wo.”​—Maatiu 24:​45-47.

▸ Buŋgɛi 4, Pɛl 15

Teleŋndaŋ lapum, ma dimul ndepilɛnɔɔ le mbo tosa wallo o kundaa niŋ. Kɛ wallo hoo, puaapilɛnɔɔ ndoo nɔ ni mbo tosa ndu. Te o wa wali koŋ tosaa pɛ, o nɔ mbo kumbu bolleŋ le bɛɛleŋ chɔmndo le kɛɛsiaa Chɛhowaa. Kɛ le sɔɔŋ ŋpum kinɛi o nɔ ni mbo kumbu bolleŋ. Le taamaseliiyo, ndepilɛnɔɔ nɔ mbo kumbu bolleŋ te o wa pɛ waŋndo Baabuiyo pɛɛkoo mi pɔnɔ ndɔ ɔɔ puaapilɛnɔ yiŋndo wa o hɔlndɔ.​—Kɔliŋtiaŋ Tasoo 11:​11-15.

▸ Buŋgɛi 4, Pɛl 17

Te ŋ wa pɛ yuŋyeŋ, ŋ luei balaŋ o masale chieeŋndeŋ niŋ te. (Chɔŋ 17:​16) Masale Chɛhowaleŋ naŋ cho kɔɔli ni. Chiisu wou sondoo o sɔɔŋ chieeŋndoŋ muŋ niŋ te. Lelaŋ, ŋ luei sondoo o muŋ niŋ te.

Chɛhowa dimul naa le miŋ “tuei wanaa cho lɛŋndeŋ bolleŋ nda diom nyɛ kɛndɛ kɛndɛ.” (Taitɔɔ 3:​1, 2; Luomaŋnda 13:​1-7) Kɛ sawa Mɛlɛkaa dimi vɛlɛ maa ŋ nɔ miŋ dii le. Le hei, kɔl iyama Kilisiɔŋnɔɔ chɛl ndu mbo kuɛ o chɔuwo le. Te a baŋ pɛ Kilisiɔŋnɔɔ le wali lelɛŋndo tosaa le mɛɛ o kɛɛ le simnɔŋndo sovɛinɔɔ yɛ, o nɔ mbo yiyaŋ te kɔl ndɔ iyamaa chɛl ndu pɛ le keŋ tosaa.

Chɛhowa kinɛi naŋ piɛi ni, kanifuule ndu Toosiaa naa ni. Mi che bɛɛ miŋ chɔm bɛɛleŋ le beendiɛiyo a nyɛm cheleŋ sim le lɛŋndeŋ ndoŋ, kɛ ŋ nɔ miŋ heelul beendiɛiyo baa ɔɔ miŋ soli chondii lelɛŋnde le. (Aisaya 43:​11; Daaniɛɛ 3:​1-30; Kɔliŋtiaŋ Tasoo 10:​14) Nduyɛ buɛiyaa Chɛhowaa nɔ ma kɛɛsiaa a ba nda maa fɛɛŋ bɛɛ a mel yaulaŋ le masaa chuaa le, kanifuule ŋ chii niŋ wa le masale Mɛlɛkaleŋ.—Maatiu 22:​21; Chɔŋ 15:​19; 18:​36.

▸ Buŋgɛi 5, pɛl 2

Yiyaŋ Setanaa chieeŋndo cho hivioo lachi ni. Kaa hoo kui bɔɔ wanaa nɔ kaala le Chɛhowa le wa tɛɛŋ. Wanaa nɔ kaa hoo wa nɔ lebɛɛ le  sawala Chɛhowalaŋ te, nduyɛ a hɛnaŋ ma tol taamasi ndɔɔ kɔɔli le. (Chɔŋ Tasoo 5:​19) Yiyaŋ waa naa a sɔɔŋ wɔɔŋ waŋnda tosa woŋ nda veelu ni aa kaa chieeŋndo. (Ɛfisiaŋnda 2:​2) Wanaa Chɛhowaa nɔ ma tosa a sabu maa kaa hoo nɔ nda kpaayaa choo le. (Ɛfisiaŋnda 6:​10-18) Ŋ nɔ miŋ kaala nɛi chɔmaa Chɛhowaa, nduyɛ miŋ kindi kindiŋ le yiyaŋ ndɔɔ nɔɔ.

▸ Buŋgɛi 5, pɛl 7

Te waŋndo simul pɛ tonya cho o Baabuiyo niŋndo, mɛɛ o simul piɛile tonyaleŋ. Nɛɛ yaa waŋnda haa simullɛ? Chɛhowa nda Chiisu nda simul ni. Chiisu Mɛlɛka yulu iso ni le waa Masaa le Masale ndɔleŋ. Mi waŋnda haa kindiŋ le acheleŋnda nyindɔɔ le ma tol nda kɔɔli. (Luomaŋnda 1:​25) A yeema ma luei wanaa Chɛhowaa kiisaŋndaŋ o lakɔl. O kunda leKilisiɔŋ tasoo niŋ, mi waŋnda apum simul piɛile tonyaleŋ. Hau bɛɛ, nyɛpilɔɔ kpe cho yɔŋnɔŋndo ni. (Tɛsaloniaŋ Diiŋ Ndɔɔ 2:​3) Wanaa cho Chɛhowa piɛiyo o laalaŋndo choo wa nɔ ma yɛɛ naaŋaŋ a wanaa simul piɛile tonyaleŋ nda le. Ŋ nɔ miŋ chɛl lɔɔlɔɔ mi yeemɛi nɛi ɔɔ acheleŋnda nyindu naa le diomndaŋ veeloo, ɔɔ nilaŋ yaŋɔɔ o sɔɔŋ wanaa simul piɛile tonyaleŋ nda le. Ŋ feŋaŋ Chɛhowa kɔɔli le. Nduyɛ ndu kinɛi naŋ piɛi ni.

▸ Buŋgɛi 5, pɛl 9

O Sawa Mɛlɛka ndoo ke Muuse wo bɛŋgu, mi Isɔluɛiya ndaa nyɔɔlu Chɛhowa le mbo mal nda haki. Mi ndaa hiŋ a nyɛdiaa lakullo, chuɛiyaŋ a visiaa o maaŋndo niŋ le salala dindiaa laŋ solioo. O hei niŋ, mi ndaa loonuŋ Isɔluɛiya maa Chɛhowa wa o bɛɛndiaŋ le nda pilɛŋ pilɛŋnda a kaaleŋ kpou malɔɔ haki. Okoŋ kɔɔli, mɛɛ Chiisu huŋ yɔŋgu yoomu ndɔɔ le hakila naalaŋ baŋaa, salala dindiaa laŋ ndaŋ laa yeemaŋ lɛ le. Le mɛɛ Chiisu ndoo nɔ haki le yɛ, mbo soliŋ sala “le pilɛ kpe . . . le fɛɛŋ a fɛɛŋ.”—Hibuluiya 10:​1, 4, 10.

▸ Buŋgɛi 7, pɛl 6

O Sawa Mɛlɛka ndoo ke Muuse wo bɛŋgu, mi Chɛhowa chɛl waŋnda le visiaa dioo. Mi Mɛlɛka dimul nda vɛlɛ le mi ndaa soli visiaa sala. (Lɛvitikɔɔ 1:​5, 6) Kɛ Chɛhowa chɛl wanaa nduaa lɔɔlɔɔ le ma bii visiaa biyɔɔ wɔɔŋndo le. (Pulɔwaa 12:​10) Sawaa ndoo nɔ pɛŋ nɛi chɔmaa le visiaa biyɔɔ nyɛkɛndɛi. Mi Mɛlɛka dimul Isɔluɛiya le ma handu visiaa ndaa hɔlteŋ choo nyɛkɛndɛi.—Ditɔnɔmii 22:​6, 7.

▸ Buŋgɛi 7, pɛl 6

Nyɛm nda soli o koowaŋ niŋndoŋ. Koowaŋ ma cho sala hiɔɔlu. Ma yɔŋgu hueiyii yoomɛi yaŋ, ma chɔulaba naalaŋ ndaŋ, ma pɛŋgi koowaŋ fulaa waŋ, a ma mala mi dialloŋ tosa wallo waŋ. Kɛ o kooma sala hiɔɔluaŋ maŋ niŋ, ma soli nyɔɔŋ ŋpum * o ma kɛ kɛ niŋ le waŋnda chiɔuwo.

Kilisiɔŋnda chɛl ma hivi nda koowaŋ kpou, ɔɔ ma sala hiɔɔlu ma kɛ kɛ o ŋdial te. Kɛ baa a nɔ pa ma chɛl nyɛm nda soli o kooma sala hiɔɔluaŋ maŋ niŋndoŋ? Baabuiyo yɔŋgu tɛɛsiaa kpeekpei a ndi okɔɔ le. Lelaŋ Kilisiɔŋnɔ kɛ kɛ nɔ mbo soliŋ kɔl ndɔ iyama sɔla pɛɛku Baabuiyo wo kpeku le kɛɛsiaa tosaa.

Mi Kilisiɔŋnda apum kɛɛsiaa le kiɔɔ nyɛm nda soli o kooma sala hiɔɔluaŋ maŋ niŋndoŋ kpou. Ma yiyaŋ maa Sawa Mɛlɛka ndoo ke Isɔluɛiya wo dimi maa kooma kɛ kɛ ndaa soli pɛ visioo o ŋdial, ndaa nɔ ma “chuiŋi maŋ lɛŋ.”—Ditɔnɔmii 12:​22-24.

Mi apum tosa kɛɛsiaa cheleŋ. Mi kɔl nda iyamaa chɛl le ma dɔu nda danda a nyɛm nda soli o kooma sala hiɔɔluaŋ maŋ niŋndoŋ. Ma yiyaŋ maa nyɛm taaniŋ muŋ sim lɛ le nyɛ yoomaa nda soli kooma maŋ o ŋdial lo le.

 Te a wa pɛ kɛɛsiaa tosaa a nyɛm nda soli o kooma sala hiɔɔluaŋ maŋ niŋndoŋ okɔɔ, kɛsiŋ nyunalaŋ ndaŋ o kɔl:

• I sina pa maa nyɛm nda soli o koowaŋ maŋ niŋndoŋ kiɔɔ sim ni maa I nɔ lɛ mi chɛl kooma chɔulaba naa ɔɔ ma tosa mi koowaŋ ma pɛŋgi fulaa waŋ te?

• Vɛɛ ya tɛɛsial lɛ wana chiɔuwaa sabu ya kɛɛ ɔɔ chɛl nyɛm nda soli o koowaŋ maŋ niŋndoŋ ŋpum?

Nɛila chiɔuwaalaŋ. Naa Kilisiɔŋnda chɛl ma soli kooma naŋ le wana cheleŋ hivioo o ŋdial te. Nduyɛ te a wa naa yambɔɔ pɛ, ŋ chɛl ma soli kooma naŋ ma kɛsi maŋ inɛ haaa mi paale yambaaleŋ le fuuluu le. Kɛ nɛila chiɔuwaala cheleŋ cho la nda soliŋ kooma waŋndo kpeku waŋ. Kilisiɔŋnɔ kɛ kɛ nɔ mbo tosa kɛɛsiaa le nyɛ nda nɔ ma tosa a kooma nduaŋ ndo te a wa ndu pɛ yambɔɔ, naa tofaa o ŋdial, ɔɔ danda sɛnɛi laŋga fula wo kioo. O dandalaŋ lapum niŋ, ma soli kooma waŋndo ma kɛsi maŋ inɛ le teleŋ tiŋ.—Le chɔɔloo sinaa, tofa Bandu Mɛŋgɛlaa, Saa 15, 2000, pei 30-31 o puuluei niŋ.

 Le taamaseliiyo, danda pum cho, te a wa pɛ waŋndo yambɔɔ, a wou ndu o maasii pum bɛŋgu. Maasii koŋ nɔ bɔlɔlaŋ lapum le kooma nda soli ndu o ŋdial laŋ biyɔɔ nduyɛ ma miŋgi mɛŋndaŋ o fondaŋ kooma nda soli waŋ. Okoŋ, teleŋ nda cho ndu wa yambɔɔ wo ɔɔ te a chii dɔɔ pɛ, a miŋgi ndu maŋ o ŋdial.

Maasii cheleŋ cho vɛlɛ, te a wa pɛ waŋndo yambɔɔ, o sɔsa kooma wa fulaa waŋ, o yuei maŋ okoŋ o miŋgi maŋ ndu o ŋdial teleŋ nda wa ndu yambɔɔ wo ɔɔ te a chii dɔɔ pɛ ndu yambɔɔ.

Wana chiɔuwaa kɛ kɛ nɔ nɛila teŋgeŋnda o tosa hei laŋ. Lelaŋ, tuupa mi Kilisiɔŋnɔɔ chɛl danda yambaa kɛ kɛ, tofaa, ɔɔ danda sɛnɛi laŋga fula wo, o nɔ mbo sina nyɛ nda cho tosa a kooma nduaŋ ndo.

Te a wa pɛ kɛɛsiaa tosaa le nɛi nda nɔ ma soliŋ kooma numndaŋ kpeku le num chiɔuwo wo, kɛsiŋ nyunalaŋ ndaŋ o kɔl:

• Te o yɔŋ pɛ mi kooma niaŋ ma wa keelaŋ o maasiiyo niŋ mi ma miiŋgu ya o ŋdial, kɛ mi nyɛ kuuna maŋ hiouwɔɔ le teleŋ tiŋ, baa kɔl iyama nuu chɛl pa maa ya o ŋdial ma cho wɔ ni, nduyɛ maa a nɔ ma “chuiŋi maŋ lɛŋ” te?—Ditɔnɔmii 12:​23, 24.

• Baa kɔl iyama nuu cho ya paaliaŋ te a wa ya pɛ chiɔuwo ma soli kooma niaŋ, okoŋ ma yuei maŋ ɔɔ ma miŋgi maŋ o nɛi cheleŋ niŋ nduyɛ ma miŋgi ya maŋ vɛlɛ o ŋdial?

• Baa I sina pa maa te I kɛɛ pɛ le ma soliŋ kooma niaŋ kpeku o nɛila chiɔuwaala cheleŋ niŋ, mɛɛ dimioo ya cho koŋ ni maa a nɔ ma soli maŋ kposoŋ o yɔŋ bɛɛ le tofaa ɔɔ mi ma wa keilaŋ o maasiiyo niŋ mi ma miiŋgu ya o ŋdial te?

 Tuupa miŋ tosa kɛɛsiaalaŋ a nyɛm nda soli o kooma sala hiɔɔluaŋ maŋ niŋndoŋ vɛlɛ a danda nda soliŋ kooma naŋ kpeku wo okɔɔ, ŋ nɔ miŋ piɛi o Chɛhowa lo le nɛi chɔmaa nduyɛ miŋ tosa yaasiaa. (Chemisi 1:​5, 6) Okoŋ, miŋ soliŋ kɔl iyama naa sɔla pɛɛku Baabuiyo wo kpeku le kɛɛsiaa tosaa. Ŋ nɔ miŋ nyuna acheleŋnda le nyɛ nda nɔ ma tosa te i waa naa komal nda pɛ le. Nduyɛ ŋ nɔ miŋ chɛl mi wana o wana tosal naa kɛɛsiaa le.—Luomaŋnda 14:​12; Kaleesiaŋnda 6:​5.

▸ Buŋgɛi 7, pɛl 11

Kaa Diandaa sim ni, kaa naa a sɔɔŋ naŋ tosa woŋ waa ŋ diandaa Mɛlɛka o hɔl. Koŋ cho ni, nyɛ naŋ yiyaŋ ndo, nyɛ naŋ dimi wo a nyɛ naŋ tosa wo nɔ mbo wa o diandaa. Chɛhowa dimul naa le miŋ mal kaa ihini nɔɔlɛi kɛ kɛ. (Pulɔwaa 1:​10; 3:​1) Ŋ nɔ miŋ kɛɛsiaa le sawala diandaala Chɛhowalaŋ tolɔɔ kɔɔli tuupa mi tɔɔndaŋndo komal naa le suɛi wɔɔŋnde tosaa. Ŋ nɔ miŋ piɛi teleŋ o teleŋ le mi Mɛlɛka mala naa le mi yiyaŋ naa wa o diandaa. Te tɔɔndaŋndo komal naa pɛ le kaa nɔɔlɛiyo tosaa, ŋ nɔ miŋ kɛɛsiaa a kɔl naa kpou le kiɔɔ balaŋ lueiyo leniŋ.​—Kɔliŋtiaŋ Tasoo 6:​9, 10, 18; Ɛfisiaŋnda 5:​5.

▸ Buŋgɛi 8, pɛl 11

Kɔl vesɛiyo cho sɔɔŋ lasiɔmboŋ soliŋndo o sondo a sɔɔŋ wɔɔŋndoŋ tosaa le sawala Mɛlɛkalaŋ tɛɛmbuu wo kpɛsɛkɛɛ ni. Mi wana tosa sɔɔŋ waa naa wo chɔm maa o nɔ lebɛɛ le sawala Mɛlɛkalaŋ kposoŋ te. Te waŋndo luei pɛ balaŋ o niilu kɔl vesɛiyo niŋ, bɛnduaa kialu yamɛiya nɔ ma chal a ndu. Kaala nɔɔlɛilaŋ la nɔ sɔɔŋ wɔɔŋndoŋ leniŋ tau. Te waŋndo luei pɛ balaŋ o sɔɔŋ nɔɔlɛiyoŋ ŋpum niŋ, bɛnduaa kialu yamɛiya nɔ ni ma chal a ndu.—Kaleesiaŋnda 5:​19-21; Ɛfisiaŋnda 4:​19. Le chɔɔloo sinaa, tofa “Nyunala Wanaa Nua o Yaula Naalaŋ Niŋnda” o Bandu Mɛŋgɛlaa niŋ le Suɛɛsɔɔ 15, 2006 o puuluei niŋ.

▸ Buŋgɛi 9, pɛl 7; Buŋgɛi 12, pɛl 10

Chɛhowa toosiaa chiɛiniŋndo le mi pɔnɔɔ a lanɔɔ chɔmnaŋ kaalaa o nɛi diandaa choo. Kɛ te waŋndo wa pɛ pisultaŋ a labɛŋguniŋ ndɔɔ ɔɔ mbo soliŋ ndu kpeku o nɛi bɛnda le wo choo le yeemɛi keŋ kpeeŋiaa, mɛɛ o cho chiɛiniŋndo tosaa o nɛi nɔɔlɛiyo choo. Kaa hoo nɔla mbo tɛɛmbuu chaŋyɛi waŋndo nɔ a Chɛhowa ve. Mbo ke waŋndo yiyaŋ wɔɔŋndo a chiɛiniŋndo okɔɔ. Nduyɛ, mi waŋndo tosa chiɛiniŋndo o nɛi Mɛlɛka kɛɛ wo choo. (Kolosiaŋnda 3:​5) Te waŋndo nɔ pɛ kaa hoo, nduyɛ mbo wa kindiŋndo le ndu malɔɔ, o wu ŋdial te. (Sam 86:​5; Chɔŋ Tasoo 3:​20) Te bahawɛiyo hoo ŋ nɔ ni, piɛi o Chɛhowa lo a kɔllo kpou nduyɛ ma nyuna ndu le malaa. Mal sɔɔŋ tosa ma nɔ yiyaŋnda nɔɔlɛilaŋ ndo, mɛɛ wunduma tumfonduaŋ tofaa ma cho naa yɛ. Te wanaa velu numnda wa pɛ Chɛhowa piɛiyo ɔɔ ma nɔ chaaŋ num o kaala sawala Mɛlɛkalaŋ ndo, soo o nda lo a ndi okɔɔ. (Pulɔwaa 1:​8, 9; Tɛsaloniaŋ Tasoo 5:​14; Taitɔɔ 2:​3-5) Nɔ laalaŋndo maa Chɛhowa cho chɔɔ, nduyɛ o naŋ kɔl a yoomuma ŋ cho dɔwɔɔ le waa o diandaa ndu o hɔllo.—Sam 51:​17; Aisaya 1:​18.

▸ Buŋgɛi 9, pɛl 9

Laanduaa kpɔndaa cho lanɔɔ chuaa mbo hiou opilɛ ni. Chɛhowa tosa nɔɔ le mbo wa wana pɔnɔɔ opilɛ, a wana lanɔɔ opilɛ tɛɛŋ. O Isɔluɛi niŋ sindɛ, mi Mɛlɛka chɛl puaa le ma kpɔnda laanduaa, kɛ o cho kɛɛsiaa ndɔ le wa koŋ o kandɔŋndo le. Hau, Chɛhowa chɛl mi wanaa nduaa kpɔnda laanduaa le. Pɔnɔɔ nɔ mbo nɔ lanɔɔ opilɛ kpe, nduyɛ lanɔɔ bɛɛ nɔ mbo nɔ pɔnɔɔ opilɛ kpe.—Maatiu 19:​9; Timoti Tasoo 3:​2.

▸ Buŋgɛi 10, pɛl 12

Chɛhowa yeema mi pɔnɔɔ a lanɔɔ lo diompilɛ haa a yoomu ndaa mɛɛlulaŋ. (Chɛnɛsee 2:​24; Malakai 2:​15, 16; Maatiu 19:​3-6; Kɔliŋtiaŋ Tasoo 7:​39) Kɛ Chɛhowa chɛl mi wanaa cho o nɔɔ niŋnda kɛyaŋ, te waŋndo opilɔɔ suunda pɛ. O hei choo kinɛi Chɛhowa ke wana suunda le wo dioo ni le mbo kɛɛsiaa te o cho ndu pɛ kɛɛ.—Maatiu 19:​9.

 A teleŋndaŋ lapum, mi Kilisiɔŋnda kɛɛsiaa le piɔuwaŋndo o nɔɔ niŋ mi che bɛɛ naa wana o wana tosa kaa nɔɔlɛi le. (Kɔliŋtiaŋ Tasoo 7:​11) Sabula huŋ lepum a piɔuwaŋndo laŋ la cho laŋ lebɛŋgu ni.

• Kiɔɔ yuŋgoo malaa a siɛlɛi fuu: Mi pɔnɔɔ kɛɛ kpooŋ le yuŋgoo mandaa. Okoŋ mi yuŋgoo lo bala fondo a nɔ lɛ ikani ɔɔ nyɛdiaa le.—Timoti Tasoo 5:​8.

• Waŋndo opilɔɔ wa pɛ ŋuasu ŋuasu: Mi waŋndo bii wana nda cho o nɔɔ niŋndo biyɔɔ wɔɔŋ wɔɔŋndo haaa mi waŋndo opilɔɔ yiyaŋ maa yoomu ndɔɔ cho o kpundɔɔ niŋ.—Kaleesiaŋnda 5:​19-21.

• Te waŋndo opilɔɔ luei pɛ chaŋyɛi chaaŋ ndɔ nɔ a Chɛhowa ve o kpundɔɔ niŋ: Te pɔnɔɔ ɔɔ lanɔɔ tosa pɛ mi wana nda cho o nɔɔ niŋndo bumba Chɛhowa piɛiyo.—Walta Wanaa Chiisuaa 5:​29.

▸ Buŋgɛi 11, pɛl 19

Wana o wana yeema chandɔɔ a kɔl dɛɛniaa. (Pulɔwaa 12:​25; 16:​24) Ŋ nɔla miŋ lueenaŋ yoomuaŋ nduyɛ miŋ dɛɛniaŋ kɔltaŋ vellaa velle a diomnda kɛndɛlaŋ. Diomnda waa naa la mala puaapiliaa a ndepiliaa naa le biuwɔŋndo. La mala nda ma hiou lachi a Chɛhowa piɛiyo mi che bɛɛ bahawɛilaŋ la cho tau. (Pulɔwaa 12:​18; Filipiaŋnda 2:​1-4) Te waŋndo tambu pɛ kɔllo tau, ŋ nɔ miŋ yaŋ ndu nilaŋ a lebɛɛ, nduyɛ, miŋ kindiŋ le sinaa nyɛ nɛiyaa ndɔɔ. Hei mala naa le sinaa nyɛ naŋ nɔ miŋ soo wo, a nyɛ naŋ nɔ miŋ tosa wo. (Chemisi 1:​19) I wa kpeleŋ numndo le puaapiliaa a ndepiliaa numnda sinaa nyɛkɛndɛi, okoŋ a nɔla ma sina nyɛ kpeekpei nda hau ba wo. O hei niŋ, a nɔla ma mala nda ma muliŋ o Wana nyɔɔlu naa kpou kɔltaŋ niŋndo lo, le ma sɔla kɔl dɛɛniaa kpeekpeiyo.—Kɔliŋtiaŋ Diiŋ Ndɔɔ 1:​3, 4; Tɛsaloniaŋ Tasoo 5:​11.

▸ Buŋgɛi 12, pɛl 16

Baabuiyo ke naa nɛi chɔmaa kpeekpei a nɔla kɛɛsiaalaŋ okɔɔ le. Naamulaŋ a sawalaŋ la cho nyɛ pilɛ o fondalaŋ kpou le. (Chɛnɛsee 24:​67; Maatiu 1:​24; 25:​10; Luku 14:​8) Nyɛ hiou wa o sɔvɛ o nɔ  kɛsiaa niŋndo cho kpema wanaa cho challe o nɔɔ niŋnda yii Chɛhowa o hɔl lo ni. Mi wanaa cho challe o nɔɔ niŋnda apum veelu yuŋgula ndalaŋ a chaŋyaŋ ndaŋ kpɛɛluŋndoŋ le ma wa o hɔlndɔ teleŋ nda wa buŋgaŋ chuaa wo, nduyɛ mi bɛndu kundaa yɔŋgu suɛi fulaa o Baabuiyo niŋ. Te wanaa cho challe o nɔɔ niŋnda wa pɛ pisultaŋ tosa, ndapila nɔ ni ma kɛɛsiaa pisulta suu nda cho tosa o paale nɔ nda kɛsiaa choo leŋ. (Luku 14:​28; Chɔŋ 2:​1-11) Nyɛ o nyɛ wanaa cho challe o nɔɔ niŋnda wa pɛ kɛɛsiaa, a nɔ ma kindiŋ o nɛi o nɛi niŋ mi kɛɛsiaa koŋ ke Chɛhowa bɛɛleŋ. (Chɛnɛsee 2:​18-24; Maatiu 19:​5, 6) Sawala mandaala Baabuiyo mala nda le kɛɛsiaala kɛndɛlaŋ tosaa. (Chɔŋ Tasoo 2:​16, 17) Te wanaa cho challe o nɔɔ niŋnda kɛɛsiaa pɛ le muɛiyaŋ piɔuwo o pisultaŋ ndaŋ, a nɔ ma kindiŋ o nɛi o nɛi niŋ mi waŋnda wa hɔlteŋ o nyɛ o nyɛ choo. (Pulɔwaa 20:​1; Ɛfisiaŋnda 5:​18) Te a kɛɛsiaa pɛ le chondoŋ soliŋndo kpeku ɔɔ pisulta kɛ kɛ tosaa, a nɔ ma kindiŋ o nɛi o nɛi niŋ mi nyɛ o nyɛ ke Chɛhowa bɛɛleŋ. Kilisiɔŋaa cho challe o nɔɔ niŋnda nɔ ma handu kɔllo o chaŋyɛi nda nɔ a Mɛlɛka vɛlɛ a waŋnda ve choo, o cho ko o paale nɔ kɛsiaa choo le.—Pulɔwaa 18:​22. Le chɔɔloo sinaa, tofa Bandu Mɛŋgɛlaa Saa 15, 2006, peele 18-31, o puuluei niŋ.

▸ Buŋgɛi 13, pɛl 18

Ŋ nɔ miŋ tosa kɛɛsiaala kɛndɛlaŋ, nduyɛ mi la tɔlnuŋ o sawala mandaala Baabuiyo choo. Le taamaseliiyo, mi Kilisiɔŋnɔɔ wa o nɔɔ niŋ nda wana cho Sei Chɛhowa le wo. Mi pɔnɔ ndɔ ɔɔ laa ndɔ veelu ndu le nyɛdiaa dioo a wanayaŋ ndɔŋ latulu o dunyɛi chieeŋnde choo. Yɛɛ ŋ cho yɛ tosa te i waa naa komal num pɛ? Te kɔl num iyamaa chɛl num pɛ le kɔlaŋ, a nɔ ma tɛɛsial wana nya cho o nɔɔ niŋndo maa, te naamula Baabuiyo kɛɛ laŋ la wa pɛ o nyɛdiaa koŋ dioo niŋ, a cho laba wou leniŋ te. A nɔ vɛlɛ ma yiyaŋ te a tɛɛmbuu niŋ acheleŋnda kɔl te, te o yɔŋ pɛ ma kuɛ le nyɛdiaa koŋ dioo.—Kɔliŋtiaŋ Tasoo 8:​9; 10:​23, 24.

Ɔɔ niŋ mi wana chua num o wallo niŋndo tosal num kɛndɛi o dunyɛi choo. A nɔ pa ma kɛɛ kɛndɛi keŋ? O kpeekpei niŋ, te a sina pɛ yiyaŋ wana cho num kɛndɛi tosallo wo, koŋ mala num ma tosa  kɛɛsiaa te a chɛl niŋ, ɔɔ a chɛl niŋ te. Baa le dunyɛi keŋ o cho num kɛndɛi keŋ tosallo ni? Ɔɔ balikaa koni o yeema num mello ni? Te a yiyaŋ pɛ o nyunalaŋ ndaŋ choo a la cheleŋ, a nɔla ma kɛɛsiaa te a chɛl niŋ pɛ kɛndɛi keŋ.

O nɛi cheleŋ choo, mi waŋndo ke num nyɔɔ o dunyɛi choo, okoŋ mbo dimul num aa: “I sina maa a tosa dunyɛi hei le, kɛ I yeema mi ke num nyɔɔ hoo.” Kɛlɛŋgaa kɛndɛi koni wana koŋ yeema num tosallo ni. O baa pilɔɔ choo, naapum a nɔ saboo le sinaa te kindiŋndo o cho ni le laalaŋ numndo tofaa, ɔɔ te le num balaŋ lueiyo o dunyɛi keŋ niŋ ni. Yiyaŋndo o muŋ choo mala num ma kɛɛsiaa te a chɛl niŋ ɔɔ a kɛɛ niŋ ke koŋ. O kɛɛsiaala naalaŋ niŋ kpou, ŋ yeema miŋ nɔ kɔl iyama walaŋndo nduyɛ miŋ lo Chɛhowa kɔɔli.—Walta Wanaa Chiisuaa 23:​1.

▸ Buŋgɛi 13, pɛl 22

Teleŋnda bɔɔbɔɔ, te kɛɛ sinapɛŋgoo luɛi naa tɛɛŋ pɛ, nduyɛ miŋ toosiaa ndu chɔ chɔ o kɔl nyuloo niŋ, o nɔla mbo simnuŋ suɛi bɛndu le. (Maatiu 5:​23-26) Kilisiɔŋnda kpou, yeemɛi ndɛi tasei cho Chɛhowa saŋgalaa a diompilɛ kundaa mandaa ni.—Chɔŋ 13:​34, 35; Kɔliŋtiaŋ Tasoo 13:​4, 5.

Te bahawɛiyo luɛi pɛ Kilisiɔŋnda tɛɛŋ o yulaleŋ choo, a nɔ ma kuɛ o lemasa le. A nɔ ma toosiaŋ tɛɛŋ. Kɔliŋtiaŋ Tasoo 6:​1-8 soo a sila Pɔɔl yɔŋgu a puaapiliaa yɔɔ o lemasa wo okɔɔ. Puaapiliaa yɔɔ o lemasa chuu Chɛhowa a kunda leKilisiɔŋndo tɔɔ wɔɔŋndo. O Maatiu 18:​15-17 niŋ, mi Chiisu chɔm nɛilaŋ layaa le sɔɔŋ toosiaŋndo tɛɛŋ. Kilisiɔŋnda nɔ ma tol nɛilaŋ ndaŋ kɔɔli. Le taamaseliiyo, te a tɛɛmbuu pɛ waŋndo tɔɔ ɔɔ ma tosal ndu kafalaŋ. (1) A nɔ fɛŋ ma kindiŋ le toosiaŋndo tɛɛŋ. (2) Te a chɛlaŋ te, a nɔ ma veelu waŋndo opilɛ ɔɔ a ŋiɔɔŋ o kundaa niŋ, a kendu o Mɛlɛka piɛiyo niŋnda le malaa. (3) Te nda bumba pɛ, a nɔla ma nyuna bɛnduaa kundaa le suɛi keŋ bɛɛndiaa. Te suɛi fuuluu pɛ o boondei hei, bɛnduaa soliŋ sawala mandaala Baabuiyo kpeku le wanaa cho o suɛi keŋ niŋnda kpou malaa ma toosiaa ndi o kɔl nyulu niŋ. Te wanaa cho o suɛi keŋ  niŋnda apum kɛɛ pɛ le sawala Baabuiyo tolɔɔ kɔɔli, o bɛnda mi bɛnduaa kundaa kɛɛsiaa le mi bɛnduaa kialu yamɛi ya chal o ndi choo.

Sɔɔŋ pum cho ŋ wana kua o lemasa woŋ. Muŋ cho ni: Yau nɔɔ sɛɛsiaa, te waŋndo kukaŋ pɛ chuaa, te waŋndo kɛɛ num pɛ o nɔɔ niŋ nduyɛ mbo ke num nyɛsɔlaa masaa waa dimul ndu le num kioo wo le, te kɔmbii ŋ luɛiyo kɛɛ pɛ le num kaniŋ numndoŋ kioo ɔɔ te wana num vi wo mel num pɛ nyɛm kiɔɔŋ mi waŋndo kɛɛ le num muŋ kioo. Te Kilisiɔŋnɔɔ soliŋ pɛ masaleŋ kpeku le sɔɔŋ waa naa toosiaa o kɔl nyulu niŋ, o cho sila Pɔɔl yɔŋgu wo le o wa koŋ tɛɛmbuu wo le.

Sɔɔŋ sawaa kuuna woŋ mɛɛ waŋndo kpuuwaa, chuaambɔɔ kpuuwaa, waŋndo lɔuviaa, viile bombokololeŋ a diyɔɔ cho naa yɛ, Kilisiɔŋnɔɔ kɔ bɛɛ a sɔɔŋ waa nuaa o lemasa, o tɛɛmbuu sila Pɔɔl yɔŋgu wo le.

▸ Buŋgɛi 14, pɛl 14

Chɔŋ o kpeloo niŋ Idɛŋ, Setana bii niŋ kindiŋndo le waŋchieeya huiyo. (Chɛnɛsee 3:​1-6; Sɔɔŋ Chɔɔmaŋndoŋ 12:​9) O sina maa te o laasiaa yiyaŋnda naalaŋ pɛ, o nɔla mbo nyindu naa le iwɔɔŋnde tosaa. (Kɔliŋtiaŋ Diiŋ Ndɔɔ 4:​4; Chemisi 1:​14, 15) Le yiyaŋ ndɔɔ hivioo lachi, mbo soliŋ masale chieeŋndeŋ, piɛiyii lachoowɛi, yulaleŋ, yelelaŋndaŋ, dɛnɛ sinaa a nyɛm cheleŋndoŋ kpeku.—Chɔŋ 14:​30; Chɔŋ Tasoo 5:​19.

Setana sina maa o nɔ lɛ teleŋ bɔɔ le waŋnda huiyo le. Lelaŋ, o cho tosaa nyɛ o nyɛ o tiuba le wanaa bɔɔbɔɔ huiyo. Wanaa cho Chɛhowa piɛiyo wa kpeekpei o yeema huiyo ni. (Sɔɔŋ Chɔɔmaŋndoŋ 12:​12) Te ŋ mandaŋ te, Setana nɔla mbo laasiaa yiyaŋnda naalaŋ o pɔmpɔmbɔ. (Kɔliŋtiaŋ Tasoo 10:​12) Le taamaseliiyo, Chɛhowa yeema mi wanaa cho o nɔɔ niŋnda lo diompilɛ. (Maatiu 19:​5, 6, 9) Kɛ wanaa bɔɔbɔɔ chue hau nɔɔ nyɛ sɔvɛ le. A yiyaŋ maa te la chɛlaŋ te, la kɛyaŋ. Vidueilaŋ a tɛlivisiɔŋ nda bɔɔbɔɔ bɛɛ cho yiyaŋndo hoo hivioo lachi. Ŋ nɔ miŋ mandaŋ yɔŋi yiyaŋ chieeŋndo nɔ a nɔɔ okɔɔ wo paaliaŋ naa.

 Nɛi cheleŋ Setana kindiŋ vɛlɛ le naa huiyo wo cho naa yiyaŋndo dɔwɔɔ o kɔl le waa a ba naa ni. (Timoti Diiŋ Ndɔɔ 3:​4) Te ŋ mandaŋ te, ŋ nɔla miŋ kɛɛ bɛɛleŋ nɔɔ le wanaa Chɛhowa yulu iso ma wa chilaŋ chuaa wa. Le taamaseliiyo, mi puaapilɛnɔɔ kandu nɛi chɔmaa bɛnduaa kundaa simullo. (Hibuluiya 12:​5) Ɔɔ mi ndepilɛnɔɔ kandu yiyaŋndo maa kɛɛsiaa Chɛhowa tosa o yuŋgoo niŋ a chilaŋ chuaa okɔɔ wo cho o sɔvɛ le.—Kɔliŋtiaŋ Tasoo 11:​3.

Ŋ nɔ miŋ simul kɔl. Ŋ nɔ miŋ chɛl Setana mbo paaliaŋ yiyaŋnda naalaŋ te. Kɛ ŋ nɔ miŋ tol yiyaŋ Chɛhowaa kɔɔli nduyɛ miŋ wa yiyaŋndo a “nyɔɔŋ o foŋndaŋ Mɛlɛkaa.”—Kolosiaŋnda 3:​2; Kɔliŋtiaŋ Diiŋ Ndɔɔ 2:​11.

▸ Buŋgɛi 16, pɛl 9

Naa kpou yeema miŋ wa kɛndiaa. Nduyɛ te ŋ wa pɛ a naa, ŋ yeema miŋ sɔla danda sɔviɔɔ. (Aisaya 38:​21; Maki 5:​25, 26; Luku 10:​34) Hau, wanaa chiɔuwaa a wanaa cheleŋnda nɔ nɛila chiɔuwaalaŋ tau. Te ŋ wa pɛ kɛɛsiaa tosaa le danda naŋ yeema wo, i cho suɛi sɔvɛ le sawala mandaala Baabuiyo tolɔɔ kɔɔli. Ŋ kɛsiŋ o kɔl maa Masale Mɛlɛkaleŋ kinɛi le cho naa siŋgi le fɛɛŋ a fɛɛŋ ni. Ŋ nɔ miŋ hiu kɔllo handɔɔ o kɛndiaa naa choo tau, okoŋ miŋ faŋa kɔllo o Chɛhowa piɛiyo choo le.—Aisaya 33:​24; Timoti Tasoo 4:​16.

Ŋ nɔ miŋ mandaŋ, nduyɛ miŋ kpakpala danda kɛ kɛ chiɛɛliaŋ a nyinaa wɔɔŋnda. (Ditɔnɔmii 18:​10-12; Aisaya 1:​13) Lelaŋ, tuupa miŋ chɛl dandaa ɔɔ kooma kɛ kɛ, ŋ nɔ miŋ kindiŋ kpoke le sinaa a nyɛ danda koŋ chiɛɛliaŋndo okɔɔ, nduyɛ a yiyaŋ waŋnda nɔ a ndu okɔɔ wo. (Pulɔwaa 14:​15) Ŋ nɔ miŋ kɛsiŋ o kɔl maa, Setana yeema naa huiyo le miŋ luei balaŋ o walta nyinaa wɔɔŋnda niŋ. Te ŋ chiikuu dɔɔ pɛ maa dandaa chiɛɛliaŋ a nyinaa wɔɔŋnda, o bɛnda miŋ kɛɛ ndu.—Pitɛ Tasoo 5:​8.

▸ Buŋgɛi 16, pɛl 18