Nyɛ Chiisu Tosa Wo

Yɛɛ Naŋ Pɛɛku Yɛ Chiisu o Ba?

2. Te ŋ pɛɛku pɛ waŋnda o nɛi tɛtɛlɔɔ choo, mi keŋ pilaŋ nda kɔllo nduyɛ ma loonuŋ nyɛ naŋ pɛɛku nda wo.

 Tol Tamasi Chiisu wo Kɔɔli

3. Suaa tau le. Chɔm wana num pɛɛkaa nyɛ o nyɛ ŋ sina a suɛi nya cho suukaŋndo choo ve le. Handu kɔllo o nyɛ cho o yauwo choo wo. Te a nyuna pɛ, chum mi wana pɛɛkaa muli. Te o sina mulioo le ɔɔ mbo soo nyɛ Baabuiyo pɛɛku le wo, soliŋ nyuna cheleŋ kpeku le mbo yiyaŋ o mulioo choo. Te wana num pɛɛkaa bii pɛ bila, la hiou lachi.

4. Mala wana num pɛɛkaa mbo chiiŋiaa pɛɛkula sɛnɛilaŋ a nyɛ o sina niŋndo. Le tamaseliiyo, tuupa ma kandu ndu pɛɛkoo a fulasɛiniŋndo okɔɔ, la suukaŋndɔ fɛlɛŋ o nyɛ wana num pɛɛkaa sina a waŋvilɛiya okɔɔ wo.

5. Soliŋ tamaseliilaŋ kpeku nyɛkɛndɛi. Tuupa ma soliŋ tamaseliiyo kpeku, nyunaŋndɔ aa:

1.    ‘Baa tamaseliiyo hoo cho pa tɛtɛlɛ le biyɔɔ bila?’

2.   ‘Baa wana ni pɛɛkaa cho ndu pa biyɔɔ bila chɔ chɔ?’

3.   ‘Baa tamaseliiyo hoo kinɛi wana ni pɛɛkaa cho loonɔŋ ni, ɔɔ o cho ndu mala le mbo loonuŋ suɛi kulle?’