BUŊGƐI 13
Timoti Ndoo Yeema Waŋnda Malaa
Timoti wa wɔ chuaambɔ piaandu mbo wa a yeemɛi tau le waŋnda malaa. Mbo kua o fondaŋnda bɔɔ bɔɔ le waŋnda malaa. Mbo tuɛi yoomu ndɔɔ yeela nyɛkɛndɛi le mɛɛ o tosa hei yɛ. A yeema pa ma sina a ndi okɔɔ?—
Timoti, mi mama ndɔ a kala ndɔ pɛɛku ndu a Chɛhowa okɔɔ
Lista chiee Timoti lo ni mbo sul. Teleŋ o wa chuaambɔ wo, mi Luwiis mama ndɔ, a Yuniis kala ndɔ, pɛɛku ndu a Chɛhowa okɔɔ. Mɛɛ o sul kaasoŋnɔ, mbo yeema waŋnda malaa le ma sina a Chɛhowa okɔɔ.
Timoti wa wɔ chuaambɔ piaandu, mi Pɔɔl dimul ndu le ma kuɛ yooŋgu kɛndɔɔ dimioo o fondaŋnda cheleŋ. Mi Timoti chɛl kanifuule, o wa a yeemɛi le kɔlaŋ acheleŋnda malaa.
Mi Timoti kua nda Pɔɔl Tɛsalonika chiee o lɛŋnde Masidoniaaleŋ niŋ. Tiŋndo pila ndoo bandu ni le kɔlaŋ ndoŋ. Nduyɛ, ndaa nɔ ma taŋ o dɛndɔɔ niŋ. Mɛɛ nda fuuluu, ma mala waŋnda tau ma pɛɛku a Chɛhowa okɔɔ. Kɛ mi suɛi i pala waŋnda apum ma kindiŋ le nda suɛi wɔɔŋnde tosallo. Le hei, mi Pɔɔl nda Timoti faŋaŋ ndoŋ ma kuaŋ yooŋgu kɛndɔɔ dimioo o fondaŋnda cheleŋ.
Timoti wa a nyaale nduyɛ, mbo tuɛi yoomu ndɔɔ yeela
Mɛɛ paŋgoŋ hiou ŋtiŋ, mi Pɔɔl dimul Timoti maa o miiŋgu Tɛsalonika mbo kɔ tofa puaa piliaa cho loŋnda. Hɔlta vesɛilaŋ laa yeemaŋ ni le miiŋgoo vɛlɛ o chiee dɛnɛ wɔɔŋ koŋ niŋ! Kɛ mi Timoti kua kanifuule, o wa buulaŋndo a puaa piliaa cho loŋnda okɔɔ. Mbo miiŋgu vɛlɛ pila naa Pɔɔl cha a kona kɛndɔɔ. Puaa piliaa Tɛsalonika cho tosaa nyɛkɛndɛi!
Mi Timoti kela nda Pɔɔl le wɔsila bɔɔ bɔɔ. Mi Pɔɔl poonyiaa pɛŋ maa, Timoti ndoo viam ni le kɔlaŋ waŋnda malaa o kundalaŋ niŋ. Timoti ndoo kaala Chɛhowa vɛlɛ a waŋnda chieeya.
A kaala pa waŋnda chieeya? A yeema pa nda malaa le ma pɛɛku a Chɛhowa okɔɔ?— Te a tosa lende pɛ, a cho wa a nyaale nduyɛ, ma tuei yoomu numndo yeela maa Timoti!
