SUƐI LEBOLII 02
Baabuiyo Ke Naa Tiindaŋndo
Waŋnda nɔ hau bahawɛilaŋ tau o chieeŋndo choo. Nduyɛ, mi bahawɛilaŋ ndaŋ la chuu nda kɔl tambɛiyo, buulaŋndo a nyɛ nɛiyaa. Baa sɔɔŋ muŋ komal num niŋ pa o yoomoo niŋ? Naapum a cho saŋgaa le mɛɛ ŋ cho a naa yɛ ɔɔ le mɛɛ wana ŋ kaala wo vi yɛ. Te a keela kɔllo pɛ, ma nyunaŋ dɔɔ aa, ‘Baa nyɛpalaa chuu niŋ pa?’ Baabuiyo nɔ muli kɔl dɛɛniaa le nyunaa hoo.
1. Tiindaŋ yɛɛ Baabuiyo ke yɛ naa?
Baabuiyo chɔm naa sabu bahawɛilaŋ la cho hau la piaa cha o chieeŋndo niŋndo. Kɛ o nɔ yooŋgu kɛndɔɔ le naa. O dimi maa bahawɛilaŋ ndaŋ la cho hunɔɔ suŋ faŋaŋ. Sɔɔŋ Baabuiyo dimi le yɔŋnɔŋndo woŋ nɔla miŋ ke num ‘tiindaŋndo o siɔdii lachioo niŋ.’ (Nuawɔ Chɛluimaya 29:11, 12.) Ŋ nɔla vɛlɛ miŋ mala naa miŋ biunuŋ bahawɛila naalaŋ, miŋ bii sɔɔŋ bɛɛŋ bɛɛŋ, nduyɛ miŋ wa a nyaale lefafɛɛŋ.
2. Vɛɛ Baabuiyo chɔm yɛ mɛɛ siɔdii naa lachioo cho wa yɛ?
Baabuiyo dimi maa o siɔdii naa lachioo niŋ, “piɔm ve lɛ niŋ te, chaŋ ve lɛ niŋ te, kɔl tambɛi ve lɛ niŋ te, kɛlɛŋgaa mi nyɛ nɛiyaa wa.” (Nuawɔ Sɔɔŋ Chɔɔmaŋndoŋ 21:4.) Bahawɛila tosa miŋ kuɛ le saŋga a yoomoo laŋ, la cho lɛ hunɔɔ wa le. Lapum la cho laŋ ni, kuɛi, kafalaŋ, naalaŋ, a piɔmndo. Baabuiyo dimi maa waŋnda chieeya cho hunɔɔ yoomu fafɛɛŋndo tueiyɔɔ yeela o Kpele Hɛnɛkiɔɔ niŋ o lɛŋndeŋ choo.
3. Yɛɛ ŋ nɔ yɛ ma tosa le ma laalaŋ kɛsɛ maa nyɛ Baabuiyo dimi wo cho hunɔɔ yɔŋnɔŋ?
Wanaa bɔɔbɔɔ nɔ tiindaŋndo le mi sɔɔŋ kɛndɔŋ yɔŋnuŋ. Kɛ a sina mɛɛ kpeekpei tiindaŋ ndaa peeluŋ niŋ yɛ le. Kɛ tiindaŋ Baabuiyo ndu ke naa wo cho teŋgeŋ. Ŋ nɔla miŋ laalaŋ kɛsɛ maa sɔɔŋ o dimi woŋ cho yɔŋnɔŋ te ŋ wa pɛ “Yau Mɛlɛkaa yaasiaa.” (Walta Kiilaa 17:11) Te a wa pɛ Baabuiyo pɛɛkoo, a cho sina te sɔɔŋ o dimi a siɔdii lachioo okɔɔ woŋ cho peelɔŋ.
CHƆƆLU YAASIAA
Tofawɔ sɔɔŋ Baabuiyo dimi a siɔdii lachioo okɔɔ woŋ ŋpum. Okoŋ, ma che mɛɛ tiindaŋ o ke naa wo cho hau waŋnda malaa yɛ.
4. Baabuiyo dimi maa ŋ cho hunɔɔ wa yoomu lefafɛɛŋ nduyɛ nyɛ palaa ve lɛ niŋ te
Tofawɔ sɔɔŋ Baabuiyo dimi maa ŋ cho hunɔɔ yɔŋnɔŋ ndoŋ ŋpum. O sɔɔŋ muŋ tɛɛŋ, ŋ kuɛɛ pilaŋ yɛ num kɔllo? Nduyɛ le yɛɛ?
Veelu diomndaŋ o bolii Baabui cho hei o sɔɔŋ Baabuiyo dimi le yɔŋnɔŋndo woŋ ikɛi ye, okoŋ mi la suukaŋ o nyunalaŋ ndaŋ choo:
-
A yiyaŋ pa maa bolii Baabuiye hei nɔla mii ke num tiindaŋndo? I nɔla pa mii mala yuŋgu numndo a chaaŋaa numnda?
Yiyaŋndɔ le waa o chieeŋ cho hunɔɔ wo niŋ,
|
SƆƆŊ MUŊ VE LƐ NIŊ TE . . . |
SƆƆŊ MUŊ CHO WA NI . . . |
|---|---|
|
|
|
|
|
|
|
|
|
|
5. Tiindaŋ Baabuiyo ke naa wo nɔla mbo dɛɛniaa naa suŋ suŋ
Mi wanaa bɔɔbɔɔ tambu kɔl le bahawɛila cho hau o chieeŋndo niŋndaŋ. Nduyɛ mi la tosa nda ma dɔɔnuŋ tumbe. Mi apum mal pɛŋ sɔŋgɔɔ le halikpeŋ mi sɔɔŋ siŋgaŋ ŋ kɛndɛ. Baabuiyo dimi maa sɔɔŋ cho hunɔɔ wa ŋ kɛndɛ. Tofawɔ mɛɛ tiindaŋ o ke naa hoo wo cho hau waŋnda malaa yɛ. Handu VIDUEIYO, okoŋ mi la suukaŋ o nyunalaŋ ndaŋ choo:
-
O vidueiyo niŋ, kafala kuɛɛ la paaliaŋ yɛ Luafika?
-
Mi che bɛɛ kafala o wa chɔɔ laŋ la feŋaŋ te, kɛ vɛɛ Baabuiyo mala yɛ ndu?
Tiindaŋ Baabuiyo ke naa wo nɔla mbo mala naa miŋ biuŋ sɔɔŋ kɔl tambɛi komal naa woŋ, nduyɛ miŋ wa a nyaale mi che bɛɛ bahawɛilaŋ la cho naa choo. Nuawɔ Pulɔwaa 17:22 a Luomaŋnda 12:12, okoŋ mi la suukaŋ o nyunalaŋ ndaŋ choo:
-
A yiyaŋ pa maa nyɛ Baabuiyo dimi a siɔdii lachioo okɔɔ wo nɔla mbo tosa ma wa a kɔl kɛndɛ suŋ suŋ? Le yɛɛ?
TE WAŊNDO DIMI PƐ AA: “Sɔɔŋ Baabuiyo dimi le yɔŋnɔŋndo woŋ, ŋ cho tonya le.”
-
Le yɛɛ o bɛnda yɛ le mi numpila tosa yaasiaa?
SƆƆŊ KULLOŊ
Baabuiyo ke naa tiindaŋndo maa ŋ cho wa a kɔl kɛndɛ o siɔdii lachioo niŋ. Tiindaŋndo hoo nɔla mbo mala naa miŋ biunuŋ bahawɛila cho naa choo suŋ suŋ ndaŋ.
Nyunala miiŋgaa choo laŋ
-
Le yɛɛ waŋnda nɔ yɛ ma sɔla tiindaŋndo?
-
Yɛɛ Baabuiyo dimi yɛ a siɔdii lachioo okɔɔ?
-
Te a laalaŋ pɛ sɔɔŋ Baabuiyo dimi woŋ, vɛɛ ŋ sɔla yɛ tɔnɔɔ suŋ suŋ?
CHƆƆLU SƆƆŊ PUM TOFA
Pɛɛku ma sina mɛɛ tiindaŋndo mala num yɛ te bahawɛilaŋ la komal num pɛ.
“Vɛɛ Ŋ Looku yɛ Ma Sɔla Tiindaŋndo?” (“Tiondoo!”, Nyaakuɛiyo 22, 2004)
Tofawɔ mɛɛ tiindaŋ Baabuiyo ke naa wo cho malaa wanaa nɔ naala wɔɔŋndaŋ nda yɛ.
“Vɛɛ Baabuiyo Mala yɛ Num te A Nɔ pɛ Naa Wɔɔŋ Wɔɔŋndo?” (Kɔ o tɛɛŋgei choo)
Te a wa pɛ nyɛchaa vidueiyo hoo tofaa, yiyaŋ a mɛɛ ŋ tuɛi niŋ yoomoo yeela nya yuŋgu numndo o Kpele Hɛnɛkɛ Baabuiyo dimi wo niŋ yɛ.
Veelu diomndaŋ o suɛi yɔŋnaŋnde hei niŋ ma che mɛɛ tiindaŋ Baabuiyo ke naa wo mala laŋunɔ wa chɔulabaa le sɔɔŋ siŋgaa wo yɛ.
“I Nɔ lɛ Yiyaŋ Maa I Nɔ Mi Siŋga Chieeŋndo Le” (Bandu Mɛŋgɛlaa, Suɛɛsɔɔ 1, 2013)
Naapum a Yeema Dɔɔ Vɛlɛ
NYUNALA WAŊNDA NYUNA LƆƆLƆƆ LAŊ
Yɛɛ Cho yɛ Pɛɛku Baabuiyo?
Sɔla mulilaŋ o nyunala nyunaŋ a mɛɛ naŋ tosa pɛɛku Baabui ŋ paawa nyɛ o nyɛ le wo okɔɔ wo.
