BUŊGƐI 3
Vɛɛ Yoomoo o Kpele Hɛnɛkiɔɔ niŋ Wa Yɛ?
Mi Chɛhowa ke Adam nda Ifi nyɛm kɛndɔŋ tau. Chɛnɛsee 1:28
Mi Chɛhowa toosiaa wana lanɔ tasoo, Ifi, nduyɛ mbo chua ndu chɔ mbo yɔŋgu ndu Adam le mbo wa laa ndɔ.—Chɛnɛsee 2:21, 22.
Mi Chɛhowa toosiaa nda a yiyaŋndaŋ vɛlɛ a dialuŋ diandaŋ, muŋ nɔ sɔŋ te.
Chiee nda Kpele Hɛnɛkiɔɔ wa kpeloo Idɛn ni. Fondaŋ kɛndɛ pila bɛndu. Pioo wa loŋ, yɔmii kuamɛi, vɛlɛ a visiaa.
Mi Chɛhowa suaa o ndalo, mbo pɛɛku nda maa, te a yaŋ ndu pɛ nilaŋ, a cho wa achal lefafɛɛŋ o Kpele Hɛnɛkiɔɔ niŋ o lɛŋndeŋ choo.
Mi Mɛlɛka dimi maa pesiŋ bɛɛ a dia komɔɔ yɔm koŋ te. Chɛnɛsee 2:16, 17
Mi Chɛhowa chɔm Adam nda Ifi yɔm kuamaa pum o kpeloo niŋ nduyɛ mbo dimul nda maa te a de ndu pɛ, a cho wu pɛ.
Mi maalikɛinɔ Mɛlɛkaa opilɛ o simul Mɛlɛka. Maalikɛinɔ yɔŋ wɔɔŋ koŋ cho Setana, Masa Nyinaa Wɔɔŋnda ni.
Setana ndoo yeema mi Adam nda Ifi ndaa tuei Chɛhowa diom te. O hei niŋ, mbo soliŋ kɛuwo kpeku le Ifi dimullo maa te o de komɔɔ yɔm koŋ pɛ, o cho wu le, kɛ o cho wa maa Mɛlɛka. Choolaŋ kpeekpei o wa ndu dimullo ni.—Chɛnɛsee 3:1-5.
Naapum a Yeema Dɔɔ Vɛlɛ
PƐƐKULA SƆVƐLA BAABUIYO
Le Yɛɛ Mɛlɛka Toosiaa yɛ Chieeŋndo?
Chieeŋ naa hoo nɔ bɔɔ nyɛm kɛndɔŋ leniŋ. O cho o kɛsiaa laŋdaŋ a paaleŋ, nduyɛ o fondaŋ o nɔ le waa wo o cho ni, mbo wa muulɔŋndo mɛɛ o nɔ le muulɔŋndo yɛ. Le yɛɛ Mɛlɛka dɔu yɛ sɛmbɔɔ naa kpɛ le chieeŋndo toosiaa?
