BUŊGƐI 2
Nɛɛ Cho yɛ Mɛlɛka Tonyaa?
Mɛlɛka tonyaa ndu pilɛ kpe cho ni, nduyɛ diola ndɔlaŋ la cho Chɛhowa ni. (Sam 83:18) O inyinaya o cho ni, ŋ chi ndu le. O kaala naa nduyɛ o yeema mi naa bɛɛ ŋ kaala ndu. O yeema vɛlɛ mi naa bɛɛ kaala acheleŋnda. (Maatiu 22:35-40) Ndu cho Mɛlɛka Kpayaa Kpou Kpou Wo ni, Wana Toosiaa nyɛ o nyɛ fee wo.
Mi Chɛhowa toosiaa wana tasoo o inyinaya nduyɛ wana koŋ cho Chiisu Kiliti ni. Mi Chɛhowa toosiaa vɛlɛ maalikɛiya.
Chɛhowa toosiaa nyɛ o nyɛ fee o choo choo niŋ ni . . . a o lɛŋndeŋ choo. Sɔɔŋ Chɔɔmaŋndoŋ 4:11
Mi Chɛhowa Mɛlɛka toosiaa looŋ a lɛŋndeŋ vɛlɛ a nyɛ o nyɛ fee cho le choo.—Chɛnɛsee 1:1.
Mbo toosiaa wanachiee tasoo diolaŋ aa Adam a puuloo lɛŋ.—Chɛnɛsee 2:7.
Naapum a Yeema Dɔɔ Vɛlɛ
PƐƐKULA SƆVƐLA BAABUIYO
Baa Mɛlɛka Nɔ Pa Diolaŋ?
Mɛlɛka nɔ nɛila nda veelu ndu laŋ tau, laŋ la cho ni, Mɛlɛka nɔ Kpaayaa Kpou Wo, Wana Toosiaa Nyɔɔŋ Kpou Wo ɔɔ Masanɔɔ. A soliŋ Diola Mɛlɛkalaŋ kpeku le bɛmbɔɔ hiouwɔɔ 7,000 o Baabuiyo niŋ.
