Bukuloo 6-12
SAM 36-37
Chondii 87 a Piɛileŋ | Diomndaŋ le Kandɔɔ (Chem. 1)
1. “Tambu Kɔl le Dɛnɛ Kɛndɛ Wanaa Kɔl Vesɛiya Sɔla wo Le”
(Chem. 10)
Mi wanaa kɔl vesɛiya tosa miŋ saŋga tau (Sam 36:1-4; w17.04 11 ¶4)
Nɛyɔŋndo nɔɔ le “wanaa kɔl vesɛiya” paaliaŋ naa tau (Sam 37:1, 7, 8; w22.06 10 ¶10)
Te ŋ tiindaŋ pɛ diomnde mɛyaale Chɛhowaleŋ, mi keŋ tosa miŋ nɔ kɔl nyuloo (Sam 37:10, 11; w03-E 12/1 13 ¶20)
NYUNAŊNDƆ AA: ‘Baa mi chua pa teleŋndo le nilaŋ yaŋɔɔ a diomndaŋ veeloo o yaula wanaa dɛnɛ wɔɔŋnda niŋ?’
2. Nyɛm Tɔɔmaŋ Mɛlɛkaŋ
(Chem. 10)
-
Sam 36:6—Yɛɛ wana ŋchondoo ndoo yiyaŋ yɛ mɛɛ o tuu sakpoyɛi Chɛhowɛi a “pembuŋ vilɛi bɛndoŋ”? (it-2-E 445)
-
Nyɛm tɔɔmaŋ Mɛlɛkaŋ kuɛɛ ŋ saaluŋ yɛ o Baabuiyo niŋ le lɔɔ hoo ma yeema suɛi a muŋ okɔɔ?
3. Diomndaŋ Veeloo o Baabuiyo Niŋ
(Chem. 4) Sam 37:1-26 (th buŋgɛi walii 10)
4. Baltaŋ Kandɔɔ
(Chem. 3) CHIƐIYO A CHIƐIYO. (lmd suɛi lebolii 1 pɛl 5)
5. Miiŋgu Makɔɔ Tosaa
(Chem. 4) YOOŊGU KƐNDƆƆ DIMIOO O BALTAŊ NIŊ. Kandu pɛɛku Baabuiyo a wana ndoo kɛɛ paandu pɛɛkoo wo. (lmd suɛi lebolii 9 pɛl 4)
6. Suɛi
(Chem. 5) ijwbv 45—Suɛi Lebolle: Yɛɛ Diomnda Cho o Sam 37:4 Niŋndaŋ la Sim Yɛ? (th buŋgɛi walii 13)
Chondii 33
7. Baa A Cho Pa o Bɛɛndiaŋ te Kpundɔɔ Del Pɛ?
(Chem. 15) Suukaŋndo.
Mi kpundɛla bɔɔbɔɔ yɔŋnuŋ hau o chieeŋndo choo. Lapum waŋchieeya tosa ni mi la yɔŋnuŋ. Mi hei tosa mi puaapiliaa a ndepiliaa naa saŋga tau, nduyɛ mi nyɛm bɔɔbɔɔ hɛluŋ nda. (Sam 9:9, 10) I cho bɔɔ suɛi imɔnɔ le sinaa maa, teleŋ naŋ ve kɔl te wo ‘kpundɛlaŋ’ ndaŋ la yɔŋnuŋ ni. Lelaŋ, naa kpou nɔ miŋ wa a bɛɛndiaŋ suŋ suŋ le laŋ.
Mi che bɛɛ miŋ tosa sɔɔŋ bɔɔbɔɔ le bɛɛndiaŋndo te kpundɔɔ del pɛ, a kɛ yɛɛ cheleŋ mala yɛ naa miŋ biunuŋ te kpundɔɔ del pɛ?
-
Bɛɛndiaa yiyaŋ numndo nyɛkɛndɛi: Kɛsiŋ o kɔl maa mi kpundɛlaŋ la yɔŋnuŋ. Nduyɛ o bɛnda ma wa yiyaŋndo a nyɛ ŋ nɔ ma tosa wo te la del pɛ. Hiu kɔllo handɔɔ o nyɛmkiɔŋ choo le. Kɛ wa yiyaŋndo a nyɛ ŋ nɔ ma tosa le yoomu numndo chiindiaa wo, hei cho num mala ma tosa kɛɛsiaala sɔvɛlaŋ. (Chɛ 19:16; Sam 36:9) Te a hiu kɔllo handɔɔ o muŋ choo le, o yɔŋ bɛɛ miŋ hɛluŋ num, a tembu kɔl tau le.—Sam 37:19
-
Bɛɛndiaŋ o Mɛlɛka piɛiyo niŋ: Nɔ laalaŋndo maa Chɛhowa nɔ kpaaya, a yeemɛi le num mandaa. (Sam 37:18) Tuupa mi kpundɔɔ del, wa yiyaŋndo teleŋ o teleŋ maa, Chɛhowa tiuba mbo manda wanaa cho ndu piɛiyo wa. O yɔŋ bɛɛ mi nyɛ o nyɛ hɛluŋ nda, o tiuba mbo chiindiaa nda.—Chɛlui 45:5; Sam 37:23, 24
Te ŋ nɔ pɛ tiindaŋ kpeekpeiyo o diomnde mɛyaale Chɛhowaleŋ niŋ, mi keŋ tosa miŋ sina kɛsɛ maa, o tiuba mbo manda naa a teleŋ kpundɔɔ.—Sam 37:39.
Handu VIDUEIYO hoo A Cho Pa O Bɛɛndiaŋ le Kpundɔɔ? Okoŋ ma nyuna wanaa challa aa:
-
Vɛɛ Chɛhowa mala yɛ naa a teleŋ kpundɔɔ?
-
Sɔɔŋ kuɛɛ naŋ nɔ yɛ miŋ tosa le miŋ wa a bɛɛndiaŋ?
-
Vɛɛ naŋ mala yɛ wanaa kpundɔɔ komalla?
Pɛɛku Baabui Kundaa
(Chem. 30) bt suɛi lebolii 9 ¶8-16
Diomnda Mɛɛlaalaŋ (Chem. 3) |
a Tofa “Tiondoo” 5 2017, peele 4-6 o puuluei niŋ.
