LE YƐƐ HEI BƐNDA YƐ?: Bɛɛndiaŋndo mala wanaa naŋ cho Baabuiyo pɛɛkoo wa ma bii bila nduyɛ ma loonuŋ nyɛ naŋ cho nda pɛɛkoo wo. Mɛɛ nda bii pɛɛkoo bila fau nduyɛ ma loonuŋ nyɛ nda cho pɛɛkoo wo, lende nda tosa hiouwɔɔ lachioo chɔ chɔ ni. O yɔŋ bɛɛ ma sɔla yiŋɔɔ, a nɔ ma wa bɛɛndiaŋndo le bɔŋaŋnda leKilisiɔŋndaŋ a kɔlaŋ o wali pollo niŋ le halikpeŋ a ve “a puɛiyaŋ te.” (Mat 25:​13) Lelaŋ, sinaa mɛɛ wana pɛɛku yɛ vɛlɛ a kɛɛsiaa kɛndɔɔ nɔɔ le Baabuiyo pɛɛkoo mala nda o yoomu ndaa niŋ. O kandɔŋndo pa naŋ nɔ ni miŋ mala wanaa naŋ cho Baabuiyo pɛɛkoo wa le ma nɔ kaa bɛɛndiaŋndo le pɛɛku Baabui ndaa.

VƐƐ Ŋ TOSA YƐ HEI?:

• Wa wana taamasi kɛndɛ. (Luom 2:​21) Bɛɛndiaŋ le pɛɛku kɛ kɛ a wana ŋ cho Baabuiyo pɛɛkoo wo o kɔl. (km-E 11/15 3) Tosa mbo che mɛɛ ŋ kei pulaleŋ o yau numndo niŋ yɛ

• Dɛɛniaa ndu le mbo bɛɛndiaŋ. Te pɛɛkoo kanduŋ dɔɔ pɛ, tosa mbo sina maa bɛɛndiaŋndo a pɛɛku Baabuiyo nyɛ pilɛ kpe o cho ni, nduyɛ ma tɛɛsiaa tɔnɔla cho leniŋ ndaŋ. Chɔm ndu kɛɛsiaala sɔvɛlaŋ mɛɛ o tofa teleŋndo le bɛɛndiaŋndo yɛ. Mi wanaa pɛɛku waŋnda Baabuiyo wa apum ke wana nda cho pɛɛkoo wo yau ndapila keeku pulaŋ o mulilaŋ bɛŋgu wo teleŋ nda cho pɛɛkoo wo le mbo che tɔnɔla o sɔla laŋ. Chandu ndu te o bɛɛndiaŋ pɛ

• Chɔm ndu mɛɛ o bɛɛndiaŋ yɛ. O kandɔŋndo, mi wanaa pɛɛku waŋnda Baabuiyo wa apum soliŋ teleŋ nda pɛɛku wo kpeku le wana nda cho pɛɛkoo wo chɔmndo mɛɛ wana bɛɛndiaŋ yɛ