“La Wa a Puɛiyaŋ Te”
Mi che bɛɛ a buɛiyaa nduaa pɔyaŋnda Chiisu dimi tale cho a chuaa laanduaa tɔ wa okɔɔ wo ni, kɛ yooŋgu cho o taloo hoo niŋndo cho le Kilisiɔŋnda kpou. (w15 3/1 13-17) “La wa a puɛiyaŋ te. Fondole, la sina paaleŋ ɔɔ havɛi Po Wana Pɔnɔɔ cho hunɔɔ wo le.” (Mat 25:13) A nɔla pa ma tɛɛsiaa tale Chiisu wo?
-
Wana wa hunɔɔ lanɔɔ chuaa wo (Suɛi 1)—Chiisu
-
Chuaa laanduaa kɔl kaluaa bɛɛndiaŋ nda (Sɔɔŋ 2)—Kilisiɔŋaa Pɔyaŋnda cho a bɛɛndiaŋ le wali ndaa tosaa sakpo nduyɛ ma wa diondɔɔ maa looŋ o halaa niŋ haaa o mɛɛlulaŋ (Fil 2:15)
-
Mi yondaa suaa aa, ‘wana cho lanɔɔ chuaa wo hiŋ’ (Sɔɔŋ 6)—Le chɔmndo teleŋ Chiisu cho o masaleŋ choo wo
-
Chuaa laanduaa nɔ kɔl kalu le wa (Sɔɔŋ 8)—Kilisiɔŋaa Pɔyaŋaa kuɛ le wana wa hunɔɔ lanɔɔ chuaa bɔŋaa wo kɛ a hiu lachi a waa yekeŋ te nduyɛ, a lo o pimbi nda simiaa choo le
-
Mi chuaa laanduaa kɔl kaluaa kɛɛ le chuɛima ndaŋ yɔŋgoo (Sɔɔŋ 9)—Te di mɛɛlaa le kɔlaŋ o choo choo niŋ hiou pɛ, i hiau niŋ lɔɔ le mi wanaa pɔyaŋaa lo o laalaŋndo choo wa mala a lo o laalaŋ choo le wa
-
“Mi wana wa lanɔɔ chuaa wo koma huŋ” (Sɔɔŋ 10)—Chiisu cho hunɔɔ le yamɛi kiolɔɔ a mɛɛlula nyɛpalaa bɛndoo kpɛɛluŋ
-
Mi chuaa laanduaa kɔl kaluaa bɛɛndiaŋ nda luɛi nda wana wa lanɔɔ chuaa wo le nyɛdiaa nɔ kɛsiaa dioo nduyɛ ma kinda dioo (Sɔɔŋ 10)—Chiisu chuuŋgiaa wanaa pɔyaŋaa lo o laalaŋndo choo wa o choo choo niŋ, kɛ a lo o laalaŋndo choo le wa, mi fanda ndaa le helɔɔ o choo choo niŋ hɛluŋ nda