Loonuŋyaa ke naa dikeŋnaŋndo le yiyaŋndo a salala wa niŋ o chilaŋ niŋndaŋ sanaa o sala soliaŋ Chiisoo niŋ. Salalaŋ ndaŋ opilɛ cho wanaa vi wa miiŋgoo yoomu ni. O ve sabu Chɛhowa kposoŋ le mi waŋchieeya vi le. Le sabu koŋ nyɛ hiou naa pala kpou wo cho te wana naŋ kaala wo vi pɛ ni. (1Kɔl 15:26) Mi Chiisu tambu kɔllo tau mɛɛ o che buɛiyaa nduaa chaŋndo teleŋ Lasalɔɔ vi wo. (Chɔŋ 11:33-35) Chiisu vel bɔɔ Finya ndɔ. Lelaŋ, ŋ nɔ miŋ laalaŋ maa mi Chɛhowa bɛɛ tambu kɔl tau te o che naa pɛ mɔnɛi biyɔɔ le wanaa naa kaalaa vi wa. (Chɔŋ 14:7) Chɛhowa cho a yeemɛi tau le teleŋ o miŋgi niŋ buɛiyaa nduaa vi wa yoomu wo, nduyɛ naa bɛɛ ŋ cho a yeemɛi keŋ.—Choobu 14:14, 15.

Mɛɛ Chɛhowa tosa ŋsɔɔ laasi laasi le yɛ, ŋ nɔ tiindaŋndo maa o cho wanaa vi wa miŋgi yoomu o nɛi bɛnda wo choo. (1Kɔl 14:33, 40) O cho lɛ kɔlaŋ o biisilaŋ te kɛ, teleŋndo cho wa koŋ ni le wanaa naa cho wa miiŋgoo yoomu wa demullo. Te wana ŋ kaala wo vi pɛ, a chua pa teleŋndo le yiyaŋndo a teleŋ wanaa vi wa cho vɛlɛ miiŋgu yoomu wo? (2Kɔl 4:17, 18) A mel pa Chɛhowa balikaa le sala soliaŋ Chiisu wo, vɛlɛ a naa chɔmndo o Baabuiyo niŋ maa wanaa vi wa cho vɛlɛ miiŋgu yoomu?—Kol 3:15.

• O chaaŋaa numaa vi wa tɛɛŋ ɔɔ wanayaŋ numndoŋ, a kuɛɛ kpeekpei ŋ cho yɛ lehɔl o nɛi le ma che vɛlɛ?

• O wanaa Baabuiyo soo okɔɔ wa tɛɛŋ, a kuɛɛ kpeekpei ŋ yeema yɛ chɔɔ ma suukaŋ a nda?