NYƐM TƆƆMAŊ O DIOM MƐLƐKAA NIŊ | CHOOBU 1-5
Mi Choobu Lo o Pimbi Simiaa Choo o Tɔɔndaŋndo Bɛŋgu
O lɛŋnde Usileŋ niŋ Choobu wa ichali ni teleŋ Isɔluɛiya wa o chɛleŋ niŋ Ichipi wo. Mi che bɛɛ Choobu ve Isɔluɛinɔ le, kɛ o wa Chɛhowa piɛiyo o laalaŋndo choo. Choobu ndoo nɔ yuŋgu bɛndoo, nyɛm kiɔɔŋ tau, nduyɛ ndoo nɔ tɔɔ o tanda ndɔɔ niŋ. Waŋnda ndaa nɔ bɛɛleŋ le ndu tau le mɛɛ o wa wana silaa kɛndɛ yɛ, nduyɛ ndoo kilu iyama a lakafa le. O wa wana ikɛndɛ o wanaa bala fonduaa lo. Wana lo o pimbi simiaa choo wo Choobu wa ni.
Mi Choobu chɔm kpendekele maa Chɛhowa hiou wa wana sɔvɛ o yoomu ndɔɔ niŋ
-
Mi Setana cha mɛɛ Choobu wa o pimbi ndɔ simiaa choo yɛ. Setana ndoo sina kɛsɛ maa Chɛhowa Choobu wa diikɔŋndo ni. Kɛ mbo yiyaŋ maa o ve fondo fuule Choobu ndoo diikuŋ Chɛhowa le
-
Mi Setana dimi maa le mɛɛ Choobu ndoo nɔ nyɛm kiɔɔŋ yɛ o wa Chɛhowa piɛiyo ni
-
Le mi Chɛhowa mulul Setana, mbo chɛl mi Setana tɔɔndaŋ Choobu wana laalaŋndo. Mi nyɛkindilaa Setana tuisi Choobu choo wo paaliaŋ nyɛ o nyɛ o yoomu Choobu wo niŋ
-
Mɛɛ Choobu lo o pimbi ndɔ simiaa choo, mi Setana dimi vɛlɛ maa waŋchieeya nɔla ma lo o pimbi nda simiaa choo le
-
Choobu tosa yɔŋ wɔɔŋ o yɔŋ wɔɔŋ te nduyɛ o bii vɛlɛ Mɛlɛka tɔɔyaŋ le nyɛ yɔŋnuŋ ndu wo le
