Te ŋ kundu pɛ dioo mi poombɔɔ ɔɔ chuaambɔɔ muli, ŋ dimul ndu maa ŋ yeema miŋ suukaŋ a wanaa velu ndu wa. Hoo chɔm bɛɛleŋ le wanaa velu ndu wa. (Pulɔ 6:20) Te poombɔɔ ɔɔ chuaambɔɔ dimul naa pɛ maa ŋ luɛi chiɛiniŋ, ŋ nɔ miŋ luɛi le. Te wanaa velu ndu wa ve loŋ te, ŋ miiŋgu a teleŋ cheleŋ.

Te poombɔɔ ɔɔ chuaambɔɔ wa niŋ pɛ kaasoŋnɔ, naapum o cho niŋ le wɔsilaŋ 15 tei 19, o bɛnda wɔ kɛ ma nyuna le wanaa velu ndu wa. Te wanaa velu ndu wa ve loŋ te, naapum ŋ nyuna ndu te a ke ndu pɛ dioo le mbo hɛli yaula o veelu diomndaŋ leniŋ ndaŋ. Te a keŋ dioo pɛ, ŋ ke ndu yaula naalaŋ nduyɛ naapum miŋ chɔm ndu jw.org.

Te ŋ kuɛ miiŋgu makɔɔ tosaa o feleŋgɔnɔ chɔm yeemɛiyo lo pɛ, ŋ dimul ndu maa ŋ yeema miŋ che wanaa velu ndu wa. Hoo cho naa mala miŋ tɛɛsiaa sabu naŋ cho kɔlaŋ loŋndo nduyɛ miŋ chɔm nda tonyaa vɛlɛ a sila sɔvɛ cho o Baabuiyo niŋ le yuŋgulaŋ ndo. (Sam 119:86, 138) Bɛɛleŋ vɛlɛ a sinapɛŋgoo chɔmndo o kalaŋ chuauwa lo wa seile kɛndɛleŋ nduyɛ o ke naa vɛlɛ teleŋndo le miŋ dimul wanaa cho o yuŋgoo niŋnda yooŋgu kɛndɔɔ.—1Pitɛ 2:12.