Ŋ WAŊNUŊ MAA ŊKILISIƆŊ
Wanaa Mandaa Lasaa Tosa Wallo le Tɔnɔ Wanaa Chɛhowaa Wa
Wanaa bɔɔbɔɔ nɔ yiyaŋ kɛndɛ a wanaa cho o masaleŋ choo wa le. Le yɛɛ naŋ nɔ yɛ miŋ bii nda tɔɔyaŋ te? Chɔŋ o sindɔɔ niŋ, waŋchieeya cho kpaaya ndaa soliŋndo kpeku le tɔnɔ ndapilaa. (Ma 7:3) Ŋ cho bɔɔ a kɔl kɛndɛ, le mɛɛ bɛnduaa kundaa cho pɛɛkoo sɔlaa le kpaaya ndaa soliŋndo kpeku le tɔnɔ wanaa Chɛhowaa yɛ.—Ɛsita 10:3; Mat 20:25, 26.
Bɛnduaa kundaa soliŋ kpaaya ndaa kpeku mɛɛ waŋnda tosa o chieeŋndo niŋ yɛ le. Kɛ nda nda o nɛi kaalaa niŋ nda kindiŋ le chilaŋ chuaa le Chɛhowa vɛlɛ a wanaa nduaa ni. (Chŋ 21:16; 1Pi 5:1-3) O nɛi chɔmaa Chiisoo bɛŋgu, mi bɛnduaa kundaa haa mala wana dimiaa yooŋgu kɛndiaa, le ma sinaŋ nyɛkɛndɛi o yuŋgu cho Chɛhowa piɛiyo wo niŋ, nduyɛ ma sɔɔŋguu ndu ikɛi kpɛɛluŋ. Ma wa chɔ chɔ le saa Chɛhowaa kɔltaŋ dɛɛniaa, nduyɛ ma mala nda te danda choŋ choŋ ndo komal nda pɛ, ɔɔ te kpundɔɔ del pɛ. Te a yeema pɛ malaa, wa fɛɛsɛŋ le bɛndu kunda cho o kunda numndo niŋndo dimullo a ndi okɔɔ.—Che 5:14.
LA TOFA VIDUEIYO HOO WANAA MANDAA LASAA A BUULAŊ A SAA NDAA WA, OKOŊ MI LA MULI NYUNALAŊ NDAŊ:
-
Vɛɛ Maluɛina sɔla yɛ tɔnɔɔ o mala bɛnduaa kundaa ke ndu wo niŋ?
-
Vɛɛ Elii sɔla yɛ tɔnɔɔ o mala bɛnduaa kundaa ke ndu wo niŋ?
-
Yɛɛ ŋ pɛɛku yɛ o vidueiyo hoo niŋ a wali bɛnduaa kundaa cho tosaa wo okɔɔ?
