Tusi:

• Paaleŋ le Chondei

1. 1. I chii niŋ wa le Chiisu

   Ndu nɔ niŋ ya hau ni.

   O chɔm ya nɛiyo

   Fɛɛŋ bɛɛ o mel la le.

   Mɛlɛka vem Chiisu,

   Le mbo huŋ wu le ya.

   O cho ya mandaa,

   Lelaŋ I laasiaŋ te.

   (CHƐLƆƆ LACHI)

   Chiisu ya yaŋ nilaŋ ni

   O cho wanaa pɛɛkaa kpou le,

   I mel nɛi yoomoo le

   I mel lɛ Mɛlɛka le.

   (CHƐLƆƆ)

   Mi o nɛɛ lo ya kuɛ yɛ?

   I nɔ niŋ tiindaŋ ya yeema wo.

   Nɛɛ cheleŋ ke yɛ ya ndu?

   Setana yeema ya

   Mi del o kpundɔɔ niŋ.

   Kɛ Chiisu ndu ya cho diikɔŋ ni.

2. 2. I fula o chɛleŋ niŋ

   I cho niŋ hɛnɛkɛ,

   Chɛhowa luei ya

   O yuŋgu ndɔɔ hoo niŋ.

   Chieeŋ sɛnɛiyo cho nɛi

   Chɛhowa dimi ni.

   Chiisu o cho hunɔɔ

   Mbo huŋ piŋi naa.

   (CHƐLƆƆ LACHI)

   Chiisu ya tuɛi diom ni

   Tɔɔndaŋndaŋ la tiu ya ba le.

   I mel nɛi yoomoo le

   I mel lɛ Mɛlɛka le.

   (CHƐLƆƆ)

   Mi o nɛɛ lo ya kuɛ yɛ?

   I nɔ niŋ tiindaŋ ya yeema wo.

   Nɛɛ cheleŋ ke yɛ ya ndu?

   Setana yeema ya

   Mi del o kpundɔɔ niŋ.

   Kɛ Chiisu ndu ya cho diikɔŋ ni.

   (CHƐLƆƆ)

   Mi o nɛɛ lo ya kuɛ yɛ?

   I nɔ niŋ tiindaŋ ya yeema wo.

   Nɛɛ cheleŋ ke yɛ ya ndu?

   Setana yeema ya

   Mi del o kpundɔɔ niŋ.

   Kɛ Chiisu ndu ya cho diikɔŋ ni.

   Mi o nɛɛ lo ya kuɛ yɛ?

   Fɛɛŋ bɛɛ, fɛɛŋ bɛɛ I mel Chiisu le, le.