CHONDII 127
Wana Suu Ya Nɔ Mi I Wa Wo
-
1. Chɛhowa Mɛlɛka, yɛɛ ya ke yɛ num
Mi mel num balikaa, le yoomu ya nɔ wo?
I nua kɔl nuu a Diom numndo maa tofaŋ ni,
Diom numndo mala ya mi che kɔl nuu walaŋ.
(BƆŊAA)
I yɔŋgu yoomu nuu le wali numndo,
O cho a ŋɔɔchiaŋ te, ya cho ndu tosa le.
A kɔllo a yoomoo ya cho num piɛi ni;
Ya bɛɛ yeema mi nɛŋi num kɔllo.
Mala ya mi yaasiaŋ, ma tosa mi che
Wana suu num yeema kɛsɛ le mi wa wo.
Wanaa biunuŋ nda, ma che nda wanaa sɔvɛ;
Ya bɛɛ yeema le mi wa num kɔllo nɛŋioo.
(Tofa vɛlɛ Sam 18:25; 116:12; Pulɔ. 11:20.)
