CHONDII 36
Ŋ Mandaŋ Kɔlta Naalaŋ
-
1. La ŋ mandaŋ, kɔlta naalaŋ,
Miŋ mal dɛnɛ wɔɔŋndo.
Mi Mɛlɛka che naa o kɔl
Wanaa suu naŋ cho wa.
Lepum mi kɔllo o hui naa,
Miŋ kandu laasiaŋndo.
Maa yiyaŋ naa manda kɔl naa
O nɛi Chɛhowaa choo.
-
2. O kɔllo niŋ, naa ŋ piɛi ni
Le Mɛlɛka nuuviaa.
Lɔɔlɔɔ miŋ mel ndu balikaa,
Miŋ chɔm a kɔl naa kpou.
Sɔɔŋ Chɛhowa pɛɛku naa woŋ,
Ŋ cho muŋ diikɔŋ kpou.
Ŋ kindiŋ le kɔl sakpoo nɔɔ,
Le miŋ nɛŋi ndu kɔl.
-
3. Kɔltaŋ faŋaa o sɔɔŋ wɔɔŋndoŋ,
Miŋ tosa sɔɔŋ kɛndɔŋ.
Ŋ kaala diom Mɛlɛka naa
O tosa miŋ kendu.
Chɛhowa kaala wanaa nduaa,
Tiindaŋ naa cho hoo ni.
Ŋ cho ndu piɛi a kɔllo kpou
Maa chaaŋ ndɔ le fafɛɛŋ.
(Tofa vɛlɛ Sam 34:1; Filipi. 4:8; 1 Pitɛ 3:4.)