CHONDII 6
Nyɔɔŋ Choo Choo Cho Tɔɔmayɛi Mɛlɛkɛi Lisaa
(Sam 19)
-
1. Chɛhowa ndu, toosiaa nyɛ o nyɛ fee ni.
Nyɛm o toosiaa woŋ kpou,
ŋ cho muŋ chɔɔ choo choo.
Ndu nɔ dioo ni, le mbo sɔla biiloo.
Nyɛm o toosiaa choo choo woŋ kpou,
Ŋ cho ndu saŋgalaa.
-
2. Te ŋ bii pɛ, sawala Finya naa laŋ,
La cho naa nɛiyo chɔm,
nɛi ke naa yoomoo wo.
La cho sakpo, la ke naa, kɔl nyuloo.
Diom Finya naa, a sawa ndɔɔ,
La naŋ le yoomu naa.
-
3. Le lɔɔ lɔɔ fee, Mɛlɛka cho Masaa ni.
Sawala ndɔlaŋ kpou,
la hiou pou baa kalaa.
Mi la ke naa, kɔl kaloo, a yoomoo.
Ŋ mel Diola ndɔlaŋ lɛŋ te,
Ŋ cho ndu saŋgala.
(Tofa vɛlɛ Sam 111:9; 145:5; Sɔɔŋ. 4:11.)
