CHONDII 63
Seiyaa Chɛhowaa Naŋ Cho Ni!
-
1. Mi waŋnda piɛi nyɛm cheleŋ,
Mɛlɛka tonyaa ma kɛɛ.
Ndu naŋ nɔ miŋ piɛi ni,
Ndu nɔ kpaayaa ni.
Mɛlɛkaa cheleŋ chi le
A sina a chilaŋ te.
A nɔla ma timbi le sei le,
A nɔla ma chɔm nyɛ nyɛ le.
(CHƐLƆƆ)
Naa Seiyaa Chɛhowa wa.
Miŋ soo siooŋii ve naa le.
Nyɛ Mɛlɛka soo pɛ o del te,
Nyɛ o suaa wo yɔŋnuŋ ni.
-
2. Diola Finya naa bɛndoo,
Laŋ naŋ chɔm waŋnda kpou ni.
Yooŋgu ndɔ lemasaa,
Miŋ dimul waŋnda.
Miŋ mala nda ma sina,
Mɛɛ tonyaa baŋa nda yɛ.
Ma hiou lachi, a ndu saŋgalaa,
A ndu lisaa le lɔɔ lɔɔ fee.
(CHƐLƆƆ)
Naa Seiyaa Chɛhowa wa.
Miŋ soo siooŋii ve naa le.
Nyɛ Mɛlɛka soo pɛ o del te,
Nyɛ o suaa wo yɔŋnuŋ ni.
-
3. Seileŋ timbioo le faŋa,
Tɔɔ wɔɔŋndo Mɛlɛka choo.
Mi le sila waŋnda,
A tɛɛmbuŋ tɔɔ wa.
Mbo mal nda haki fasɛi,
Te a mal pɛ yɔŋ wɔɔŋndo.
Miŋ sɔla nyaaloo le ndu piɛiyo,
Mbo ke naa yoomu fafɛɛŋndo.
(CHƐLƆƆ)
Naa Seiyaa Chɛhowa wa.
Miŋ soo siooŋii ve naa le.
Nyɛ Mɛlɛka soo pɛ o del te,
Nyɛ o suaa wo yɔŋnuŋ ni.
(Tofa vɛlɛ Aisaya 37:19; 55:11; Isi. 3:19.)
