1. Ŋ naŋ bɔɔ kɔl miŋ pɛɛku hau a tonyaa hoo.

Miŋ pɛɛku maa Chiisu ndu cho masa naa ni.

Chɛhowa ndu o kaala naa, o cho sakpo.

Mbo yɔŋ Po ndɔɔ mbo baŋa naa le yoomu naa.

O chua Po ndɔɔ mbo wa Masa le chieeŋ naa hoo.

O cho niŋ bɛɛ masaa choo choo

mɛɛ o tuu ndi yɛ.

Po ndɔɔ huŋ niŋ mbo chua lanɔɔ o choo choo niŋ,

Chɛhowa ndu pɔya nda ni le waa choo choo.

2. Wanaa bɔɔ bɔɔ o paandoo niŋ ma tuɛi a hei.

Chɛhowa yeema mi waŋnda tuei yooŋgoo hoo.

Maalikɛiya cho naa malaa le ndu dimioo,

Miŋ dimul nda le ma sina a yooŋgoo hoo.

Ŋ naŋ bɔɔ kɔl le hei tosaa le Finya naa,

Le nda pɛɛkoo ma tuei a Mɛlɛka, ma piɛi ndu.

O ke naa diolaŋ maa naŋ cho Seiyaa nduaa ni

O vem naa a yooŋgu kɛndɔɔ le waŋnda kpou.