CHONDII 69
Hiou Lachi a Yooŋgu Kɛndɛ leMasaa Dimioo!
-
1. Hiou lachi a yooŋgoo hoo dimioo
O waŋnda lo ba ba fee.
Le kaala ŋ nɔ le nda kpou wo,
Mala nda ma che nɛiyo.
Ŋ chua wallo hoo maa nyɛ sɔvɛ,
Ŋ naŋ kɔl le yooŋgoo dimioo.
Kɔ ma dimi yooŋgu kɛndɔɔ hoo,
Tosa le ma huŋ sina ndu.
(CHƐLƆƆ)
Kɔ ma, dimi yooŋgu kɛndɛ
leMasaa hoo ba ba fee.
Mal te, lo o tiindaŋ numndo choo
o ba Chɛhowaa choo.
-
2. Wa saa cheleŋ ɔɔ pɔmbɔɔ Chiisu,
Naa kpou ŋ nɔ miŋ mal te.
Yuuwa, chuaa piaanduaa a chuaa laanduaa
Tonyaa naŋ nɔ miŋ saa ni.
Miŋ dimi yooŋgu leMasaa hoo
Le mi waŋnda kpou a tuei ndu.
Mbo ke naa yoomuaŋ le ndu dimioo,
Mbo mala naa a kɔl sikpaa!
(CHƐLƆƆ)
Kɔ ma, dimi yooŋgu kɛndɛ
leMasaa hoo ba ba fee.
Mal te, lo o tiindaŋ numndo choo
o ba Chɛhowaa choo.
(Tofa vɛlɛ Sam 23:4; Walta. 4:29, 31; 1 Pitɛ 2:21.)
