CHONDII 76
Vɛɛ Kɔllo Wa yɛ Num?
-
1. Vɛɛ kɔllo wa yɛ num
a chii pɛ wali pollo,
Te a chaa pɛ ndu tosa
ma pɛɛku nda tonyaa?
A kindiŋ pɛ kpoke;
Mɛlɛka cho siou tosa.
O sina wanaa sakpuaa,
a cho ndu nuuviaa wa.
(CHƐLƆƆ)
Ŋ naŋ bɔɔ kɔl, nyaaloo cho naa
Le tosaa wali Finya naa.
Maa ŋ hiou lachi a sɛmbɔɔ
le wallo le tonyaa.
-
2. Vɛɛ kɔllo wa yɛ num
a soo pɛ mi waŋnda tuei
Wanaa nɔ yeemɛi tau wa
le yoomu fafɛɛŋndo?
Apum ma kɛɛ naa diom,
A suumiaa apum kɔltaŋ.
ŋ mel suɛi a Chɛhowa
a wali pollo le.
(CHƐLƆƆ)
Ŋ naŋ bɔɔ kɔl, nyaaloo cho naa
Le tosaa wali Finya naa.
Maa ŋ hiou lachi a sɛmbɔɔ
le wallo le tonyaa.
-
3. Vɛɛ kɔllo wa yɛ num,
Finya naa toolu num pɛ,
Le num wali ndɔɔ hoo kioo
o naŋ cho tosaa wo?
Ŋ yeema nda pɛɛkoo,
mɛɛ miŋ chaa suɛi o nda lo.
Nuuviaa wanaa tuisiaŋnda;
wallo cho suŋ mɛɛlu.
(CHƐLƆƆ)
Ŋ naŋ bɔɔ kɔl, nyaaloo cho naa
Le tosaa wali Finya naa.
Maa ŋ hiou lachi a sɛmbɔɔ
le wallo le tonyaa.
(Tofa vɛlɛ Walta. 13:48; 1 Tɛsa. 2:4; 1 Timo. 1:11.)
