CHONDII 92
Fonda Nɔ Diola Numndaŋ Ndo
(Koloniko Tasoo 29:16)
-
1. A ke naa bɔɔ dioo num Chɛhowa,
Le num chiɛiyo hoo teŋgullo!
Ŋ cho num ndu kioo a kɔllo kpou
Le mbo chɔɔlu num tɔɔ heelu.
Nyɛ o nyɛ naŋ ke num pɛ Kɛkɛ,
Num kpeekpei o ba o chɛŋ ni.
Yoomu naa kpou ŋ cho num ndu ke,
A kɔllo kpou, ŋ ŋɔɔchiaŋ te.
(CHƐLƆƆ)
Chɛhowa bii yandii Kɛkɛ,
Le num naŋ taŋgul ndu ni.
Ŋ cho hau naŋ le num ndu kioo,
Yandii bii ndu num nɔ ni.
-
2. Ŋ nɔ miŋ wa num biiloo lɔɔ lɔɔ,
O chiɛi naŋ taŋgul hoo wo niŋ.
Maa wanaa yeema ma piɛi numnda,
Huŋ tau ma piɛi num leniŋ fɔ.
Le num piɛiyo chiɛiyo hoo cho ni,
Ŋ cho ndu biyɔɔ maa nyɛ num.
Maa o tosa mi waŋnda piɛi num,
Mbo ke num bɛɛleŋ ma hel tɔɔ.
(CHƐLƆƆ)
Chɛhowa bii yandii Kɛkɛ,
Le num naŋ taŋgul ndu ni.
Ŋ cho hau naŋ le num ndu kioo,
Yandii bii ndu num nɔ ni.
(Tofa vɛlɛ 1 Masaa. 8:18, 27; 1 Kolo. 29:11-14; Walta. 20:24.)
