CHONDII 97
Mɛɛ Miŋ Tiindaŋ Diom Mɛlɛkaa
-
1. Mɛɛ miŋ tiindaŋ Diom Chɛhowaa,
Nyɛ o nyɛ o dimi.
O cho ko nyɛ naŋ dia wo le,
Kɛ waa Diom ndɔɔ pɛɛkoo.
Suŋ suŋ miŋ sɔla kɔl hiniaa,
A chieeŋ cho o nɛiyo.
(CHƐLƆƆ)
O cho ko nyɛ naŋ dia wo le,
Mɛɛ miŋ tiindaŋ Diom ndɔɔ.
Ndu soli bahawɛi naa ni,
Mɛɛ miŋ tiindaŋ Diom ndɔɔ.
-
2. Diom Mɛlɛkaa dɔunuŋ kona,
A wanaa masindiaa.
Ndaa nɔ laalaŋndo o ndu niŋ,
Ma chɔm lo lechoo wo.
Miŋ sɔla dɛɛniaa le sinaa,
Sɔɔŋ nda tosa woŋ kpou.
(CHƐLƆƆ)
O cho ko nyɛ naŋ dia wo le,
Mɛɛ miŋ tiindaŋ Diom ndɔɔ.
Ndu soli bahawɛi naa ni,
Mɛɛ miŋ tiindaŋ Diom ndɔɔ.
-
3. Diom Mɛlɛkaa nuaa lɔɔ lɔɔ fee,
Mbo ke naa kɔl dɛɛniaa.
Te tɔɔndaŋndo komal naa pɛ,
Mbo mala naa miŋ biuŋ.
Nyɛ o nyɛ naŋ nua mi ŋ tuɛi
Maa ŋ tosa ndu fɔ.
(CHƐLƆƆ)
O cho ko nyɛ naŋ dia wo le,
Mɛɛ miŋ tiindaŋ Diom ndɔɔ.
Ndu soli bahawɛi naa ni,
Mɛɛ miŋ tiindaŋ Diom ndɔɔ.
(Tofa vɛlɛ Chɔɔ. 1:8; Luomaŋ. 15:4.)
