Wanaa bɔɔbɔɔ yiyaŋ maa a sɔla niŋ batiuwaa le bahawɛila cho wa o chieeŋndo choo a wɔsi 2024 niŋndo le. Kɛ nduyɛ, ŋ tiuba miŋ sɔla tiindaŋndo le chilaŋ. Kuɛɛnɛ?

 Baabuiyo chɔm buŋgɛi Mɛlɛka chuel naa maa o cho hunɔɔ bahawɛila kɛ kɛ chii o chieeŋndo choo. O bɛndu lɛ le, Mɛlɛka “cho nda mamɛmɛ o mamɛmɛ wɔɔsuu o hɔl fo. Piɔm ve lɛ niŋ te, chaŋ ve lɛ niŋ te, kɔl tambɛi ve lɛ niŋ te, kɛlɛŋgaa mi nyɛ nɛiyaa wa.”—Sɔɔŋ Chɔɔmaŋndoŋ 21:​4.

•   Le chɔɔloo sinaa o buŋgaŋ Mɛlɛka chuel naa le chilaŋndo, veeloo diomndaŋ o suɛi lebolle hei bɛŋgu “Tiindaŋ kpeekpeiyo le chilaŋ.”

 Baabuiyo ke naa tiindaŋndo le chilaŋ nduyɛ mi hei mala naa miŋ chɔulaba yiyaŋnda wɔɔŋnda, le halikpeŋ miŋ nɔ yiyaŋ kɛndɔɔ. (Luomaŋnda 15:​13)Mi Baabuiyo ke naa silala mala naa le miŋ biunuŋ bahawɛila naalaŋ ndo, mɛɛ nyɛsɔlaa lepɛŋndo, kafalaŋ a kɛndiaa lepɛŋndo.

•   Tofa vidueiyo hoo ma che mɛɛ tiindaŋ Baabuiyo mala po pum le kɔl nyulu kpeekpeiyo nɔɔ yɛ, mi che bɛɛ o yuŋgu nɔ nyɛsɔlaa bɔɔ le woŋ niŋ o sul ni. Handu vidueiyo hoo Juan Pablo Zermeño: Chɛhowa Ke Ya Yoomu Nɔ Saboo Wo.

•   Le sinaa mɛɛ Baabuiyo mala num le maa biunuŋ te a wa pɛ kɔllo tambɛi le hakila ŋ tosa o paandoo niŋndaŋ, kɔl tambɛiyo,buulaŋndo a wana num kaalaa vi wo pɛ, veelu diomndaŋ o suɛi lebolle hei bɛŋgu “Baa I tiu pa ba mi sɔla kɔl dɛɛniaa o Baabuiyo niŋ?”

•   Tofa vidueiyo hoo ma che mɛɛ wana ndoo chaa paandu sɔŋgɔɔ wo, dimi a ndupila okɔɔ yɛ. Mbo dimi aa: “Yaa nɔ kaala wɔɔŋndaŋ nduyɛ I buulaŋ a wana le.” Handu vidueiyo hoo Mi Mal Sɔŋgɔɔ a Yekpandioo.

 Kindiŋ ma tosa mi 2024 wa wɔsi kɛndɛ le num a yuŋgu numndo. Chɔɔlu pɛɛku ma sina mɛɛ Baabuiyo looku mbo mala num yɛ. Kindiŋ ma nyuna le pɛɛku Baabuiŋ paawa nyɛ o nyɛ le wo. Pɛɛku ma che ‘tuula Mɛlɛka nɔ le numndaŋ’, tuula tosa ma nɔ ‘tiindaŋndo o siɔdii lachioo niŋ ndaŋ’ la cho ni. —Chɛluimaya 29:​11.