•   “O Amɛlika niŋ kpou, naapum kaasoŋaa bɔɔbɔɔ cho hau wanapilɛyɛi sinaŋndo nduyɛ o nda tɛɛŋ feleŋguaa hiou.” Chieeŋndo Balɔɔ Silɔ Wanaa Bɔɔbɔɔ Cho Hau Yololɛ Nduyɛ ma wa Wanapilɛyɛi Sinaŋndo: The U.S. Surgeon General’s Advisory on the Healing Effects of Social Connection and Community, 2023.

•   “Mi Kɔɔna Chieeŋ Cho a Kɛndiaa Okɔɔ hɛli kundaa opum o intanɛtiiyo choo le wanaa cho wanapilɛyɛi sinaŋndo wa malaa. Waŋnda haa cho wanaa cho wanapilɛyɛi sinaŋndo wa malaa le ma handu kɔllo o chaŋyaŋ tosaa a acheleŋnda choo. Nduyɛ ma wa nɛila cheleŋndaŋ soliŋndo kpeku le wanaa waa ndoo malaa o bahawɛiyo hoo niŋ, hali o lɛŋii nɔ nyɛsɔlaa bɔɔ le ve niŋ.” Kɔɔna Chieeŋ Cho a Kɛndiaa Okɔɔ, Bɛŋgufɔnɔɔ 15, 2023.

 Baabuiyo chɔm naa nyɛ kpeekpei naŋ nɔ miŋ tosa le chaŋyaŋ kpeekpeiyoŋ sɔlaa wo.

 Yɛlɛmiaa sɔɔŋ ŋpum tosaa ŋ kuuna num acheleŋnda holnɔŋndo woŋ. Mɛɛ intanɛtiiyo soliŋndo kpeku teleŋ o teleŋ cho nuaa yɛ. O bɛnda ma nuuviaa nɛilaŋ le chaŋyaŋ kpeekpeiyoŋ tosaa a wanaa ŋ cho chɔɔ wa.

•   Sawa mandaa Baabuiyo: “Chaaŋ num nya naaŋaŋndo ndu, Kaalaa o kaalaa num le teleŋ o teleŋ ni. Kɛ wana numndo ndu, te a sɔla pɛ dɛnɛ palaa, dɛnɛ ndɔ palaa o wa ni.”​—Pulɔwaa 17:​17.

 Nuuviaa nɛilaŋ le ma mala acheleŋnda. Kɛndɔŋ acheleŋnda tosallo kindi ko chaŋyɛi naŋ nɔ a nda ve le, kɛ mbo tosa miŋ sinaŋ nyɛkɛndɛi.

•   Sawa mandaa Baabuiyo: “Waŋndo nyɔɔ kioo wana hiau wa a kɔl kɛndɛ, a waŋndo num nyɔɔ kioo” ​—Walta Kiilaa 20:​35.

 Chɔɔlu sɔɔŋ pum tofa o intanɛtiiyo choo, ŋ mala num ma sina nyɛ Baabuiyo dimi a mɛɛ naŋ sɔla chaŋyaŋ sɔvɛ sɔviɔɔ yɛ okɔɔ.