O lɔɔla cho hunɔɔ laŋ niŋ waŋnda cho wa yaulaŋ malɔɔ le masaa hɛlioo o lɛŋii yɛ yɛi niŋ chieeŋndo balɔɔ silɔ. Waŋnda cho kɛɛsiaala sɔvɛlaŋ tosa le wana nda cho hɛli mbo masa ndaa wo.

 Yɛɛ Baabuiyo dimi yɛ?

 Baabuiyo chɔm mɛɛlula kpaaya masaa chieeŋnda nɔ wo.

•   O paale leŋ choo, mi yiyaŋnda ndɔlaŋ la mɛɛlu.”—Sam 146:​3, 4.

 Hali masaa waŋnda yiyaŋ maa a chaa sɔɔŋ tosaa nyɛkɛndɛi ya bɛɛ ma mɛɛlu piɔmndo sɔla. O fulawɔ okoŋ kɔɔli, mi kiisaŋndaŋ la wa te masa cheleŋ miiŋgu niŋ o foofo ndɔɔ, o hiau niŋ lachi a sɔɔŋ tosaa nyɛkɛndɛi maa ndu wo.—Ikilisiaatii 2:​18, 19.

 Tonya naŋ nɔ miŋ kɛsiŋ o kɔl lo cho ni maa, Mɛlɛka ndoo toosiaa waŋchieeya le ma wa ndapila choo masa kposoŋ te.

 Baa waŋndo cho pa hau o tiuba mbo tosa masaleŋ nyɛkɛndɛi waŋchieeya choo wo?

 Baabuiyo tɛɛsiaa maa Mɛlɛka hɛli wana hiou waŋnda kpou masaleŋ chaa nduyɛ mbo wa wana wana nɔla ma tiindaŋndo. Ndu cho yɛ Chiisu Kiliti ni. (Sam 2:​6) Chiisu cho Masaa le Masale Mɛlɛkaleŋ ni, nduyɛ Masale ndɔleŋ le cho o choo choo niŋ.—Maatiu 6:​10.

 Baa a cho pa masale Chiisu leŋ chɛlɔɔ? Baabuiyo chɔm le sabu hei cho suɛi sɔvɛ wo:

•   Kanifuule, mbo dɔɔnuŋ tumbe chɔ chɔ. Kɔl kɛndɔɔ cho le wanaa huŋ o ndu lo le vioŋnɔŋndo wa kpou.”—Sam 2:​12.

 Teleŋndo cho hoo ni le ma tosa kɛɛsiaa. Huului Baabuiyo chɔm maa Chiisu cho niŋ o masaleŋ choo chɔŋ a 1914, nduyɛ maa Masale Mɛlɛka leŋ le cho suŋ miiŋgu o foofo masɛi waŋchieeya kpou.—Daaniɛɛ 2:​44.

 Te a yeema pɛ ma chɔɔlu sina mɛɛ ŋ toolu masale Chiisu leŋ yɛ okɔɔ, veelu diomndaŋ o buŋgɛi hei niŋ “Kɛɛsiaa Suŋ Suŋ le Masale Mɛlɛka Leŋ Tooloo!”