A Suɛɛsɔɔ 15 2023 mi Inga Andasiŋ, wanaa poonyiaa le kɔɔna chieeŋndo [UN] vɛlɛ a wana bɛndoo le kunda manda chieeŋndo wo dimi aa: Mɛɛ chieeŋndo cho siŋgaŋndo yɛ cho paaliaŋndo waŋnda, chieeŋ bɛndoŋ, a peelaŋ. Hueiyii fuku fukuei cho hau hiouwɔɔ lachi a hɔŋ bɛndoo nduyɛ mi i wa chiɛilaŋ vɛlɛ a nyɔɔŋ tɛɛmbuuwo, kanifuule chieeŋndo cho hiouwɔɔ lachi a siŋgaŋndo. Mɛŋma ihɛllaŋ ma cho hiouwɔɔ lachi a tuuloo kpɛɛkpɛi. Hei cho tosaa mi nyaa yoomaa bɔɔbɔɔ cho o peelaŋ niŋnda wa wuoo.

 Baa Masɛi chieeŋnde tiu pa ba mi i hiŋ diompilɛ le bahawɛila chieeŋndo hoo solioo? Baa a tiu pa ba le nɛi sɔviɔɔ sɔlaa le bahawɛilaŋ ndaŋ solioo lefafɛɛŋ?

 Mi Baabuiyo suaa a masale tiuba nduyɛ mi le chii bahawɛila naalaŋ o chieeŋndo choo laŋ kpou. Mbo dimi aa: “Mɛlɛka cho choo choo wo cho hunɔɔ masale cheleŋ hɛli,” masale huŋ niŋ mi le chii bahawɛila naalaŋ kpou leŋ. (Daaniɛɛ 2:​44) O Masaleŋ ndeŋ bɛŋgu waŋnda ‘yɔŋ niŋ chaŋ nda nyɛ o nyɛ le,’ kɛlɛŋgaa niŋ te ma tɛɛmbuu chieeŋndo.—Aisaya 11:​9.