Chieeŋndo balɔɔ silɔ, Bahawɛi nyɛsɔlaa lepɛŋndo cho hiouwɔɔ lachi a kaloo, nduyɛ wanaa bɔɔbɔɔ cho hau saŋgaa le hei.

•   Mi kona lelɛŋndo dimi maa le mɛɛ bahawɛi nyɛsɔlaa lepɛŋndo cho hiouwɔɔ lachi a kaloo yɛ, a cho tosaa ni wanaa bɔɔbɔɔ tiuba le nyɛm nda hau ba woŋ piondɔɔ le. Nduyɛ te sɔɔŋ hiou pɛ lachi a waa nuaa, yuŋgula bɔɔbɔɔ cho saŋga tau mbo hiou ma paandu.

 Baa Masɛi chieeŋnde tiu niŋ pa ba le bahawɛila chieeŋndo hoo solioo ɔɔ ma tosa miŋ sɔɔŋ bɛnda tiŋ?

 Baabuiyo soo a Masale huŋ niŋ mi le chii bahawɛila naalaŋ kpou leŋ. Mbo dimi aa: “Mɛlɛka cho choo choo wo cho hunɔɔ masale cheleŋ hɛli.” Masaleŋ leŋ kinɛi le cho hunɔɔ bahawɛila naalaŋ chii ni. (Daaniɛɛ 2:​44) O Masaleŋ leŋ bɛŋgu lakafa o lakafa ve lɛ niŋ te. (Sam 9:​18) Wanaa cho wa o Masale Mɛlɛkaleŋ bɛŋgu wa cho nyɛm nda hau ba woŋ kpou sɔla. Nduyɛ wanaa cho wa o Masaleŋ ndeŋ bɛŋgu wa tuɛi niŋ fulamakɔɔli walta ndalaŋ yeela.—Aisaya 65:​21, 22.