Chɔu cho Yukileŋndo vɛlɛ a mɛɛ chieeŋndo cho siŋgaŋndo yɛ cho tosaa ni nyɛdiaa cho tiu o chieeŋndo choo le. Hei kpeekpei cho bahawɛiyo ni le nyɛdiaa sɔlaa tau o lɛŋnde ipum niŋ i nɔ nyɛsɔlaa bɔɔ le ve.

•   A Suɛɛsɔɔ 17, 2023 mi António Gutɛlis wana poonyiaa le UN dimi maa, “sɔɔŋ cho hau tosaa mi tɔlɔɔlaŋ la wa kiɔɔ kɔmndeŋ ndo a nyɛ cho tosaa nyɛdiaa cho tiu le wo cho, chɔulaŋ, chieeŋ cho siŋgaŋndo wo, vɛlɛ a sɔɔŋ cheleŋndoŋ ni.”

•   A Suɛɛsɔɔ 17, 2023, mi wanaa pɛɛku pɛɛku bɛndoo wa dimi aa. “Lɔɔsiaa tɛɛmbuu chɛlaŋ wa nda tɛɛŋ nda Yukileŋ le nyɛdiaa yɔŋndo o lɛŋnde ipum niŋndo. Nduyɛ hei kɛɛ niŋ tosa mi nyɛdiaa wa baa helɔɔ o lɛŋii nɔ nyɛsɔlaa bɔɔ le ve niŋ te, taama taama Afilika baluaŋndo, a ba paaleŋ le chaŋndo.”

 Ŋ yaasiaŋndɔ nyɛ Baabuiyo dimi a yiiaŋ vɛlɛ a chilaŋ okɔɔ wo.

•   Mi Chiisu dimi huuluei aa: “Lɛŋndeŋ le cho sɔŋga a lɛŋndeŋ, mi masaleŋ le sɔŋga a masaleŋ. Yima bɛnduaŋ ma del niŋ.”—Maatiu 24:​7.

•   Mi Yau Sɔɔŋ Chɔɔmaŋndoŋ tɛɛsiaa a Suaa a hiɔɔlu okɔɔ. O Suaa hiɔɔluaa haa tɛɛŋ opilɛ sim lewundu le chɔulaŋ. Nduyɛ o wa ndu kɔɔli wo sim lewundu le yima bɛnduaŋ. A teleŋndo hoo nyɛdiaa ve niŋ tau le, nduyɛ a cho ndu wa pisioo o baa kalaa. “Mɛɛ ya tofa, mi cha so tiŋioo. Wana wa ichali lechoo wo ndoo nɔ sekelei nda tuu nyɔɔŋ ndo o ba. Mi tuɛi mi diomndo . . . mbo dimi aa: ‘Witiiyoŋ kiloo cha le dinaluɛiye ipilɛ. Baliiyoŋ kiloo le yaa le dinaluɛiye ipilɛ.’”—Sɔɔŋ Chɔɔmaŋndoŋ 6:​5, 6.

 Huuluŋ Baabuiyo dimi a yima bɛnduaŋ okɔɔ woŋ cho niŋ peelɔŋndo a teleŋ Baabuiyo veelu aa: “palɛi mɛɛlɛi” wo. (2 Timoti 3:​1) Le chɔɔloo sinaa a “palɛi mɛɛlɛi” vɛlɛ a suaa hiɔɔluaa Yau Sɔɔŋ Chɔɔmaŋndoŋ soo a nda okɔɔ wa, tofa vidueiyo hoo Chieeŋndo Siŋgaŋ Chɔŋ a Wɔsi 1914 nduyɛ ma veelu diomndaŋ o suɛi lebolle hei niŋ “Suaa Hiɔɔluaa Yau Sɔɔŋ Chɔɔmaŋndoŋ Soo a Nda Okɔɔ Wa—Yɛɛ Nda Sim yɛ Lewundu?” O puuluei niŋ.

•   Te nyɛdiaa hel pɛ baa ɔɔ mbo ve tau le, Baabuiyo dimul naa nyɛ naŋ nɔ miŋ tosa le miŋ biunuŋ simulta waa lende wo. Tofa tamaseliilaŋ lapum o suɛi lebolle hei niŋ “Vɛɛ Naŋ Soliŋ yɛ Nyɛsɔlaa Pɔmbɔ Naŋ nɔ wo Kpeku?.”

•   Baabuiyo ke naa vɛlɛ tiindaŋndo maa sɔɔŋ cho hunɔɔ bɛnda. O mɛi lediom maa teleŋ cho fuuluu ‘mi nyɛdiaa wa tau tau o lɛŋndeŋ choo’ nduyɛ mbo wa le wana o wana. (Sam 72:​16) Le chɔɔloo sinaa a tiindaŋ naŋ nɔ hoo le chilaŋndo okɔɔ vɛlɛ a le sabu naŋ nɔ miŋ laalaŋ ndu wo, veelu diomndaŋ o suɛi lebolle hei niŋ “Tiindaŋ kpeekpeiyo le chilaŋ.”