Chaŋyaŋ Nɔɔ Mala Naa Miŋ Chɔulaba Wanapilɛyɛi—Vɛɛ Baabuiyo Mala yɛ Num?
Chɔm niŋ a wɔsi 2023 wanaa bɔɔbɔɔ cho niŋ wanapilɛyɛi Chɔulaba chieeŋndo balɔɔ silɔ. Baa a cho pa batiuwaa sɔla o chɔulaba hoo niŋ?
Mi wana chɔuwaa pilɛ o U.S. diolaŋ Dr. Vivek Murthy, dimi aa: “Kiɔɔ waŋnda holnɔŋndo tosa miŋ sinaŋ wanapilɛyɛi, nduyɛ mi hei paaliaŋ kɛndiaa naa tau.” Mbo chɔɔlu dimi aa: “Ŋ tiuba miŋ chɔulaba ndi.” Vɛɛ naŋ tosa yɛ keŋ? “Ŋ nɔ miŋ kindiŋ lepaa o lepaa le nyɛ taaniŋndo tosaa le halikpeŋ miŋ kindi chaŋyɛi naŋ nɔ a waŋnda ve poŋ.” a
O cho ko waa yololɛ le tosa miŋ sinaŋ wanapilɛyɛi le. Waŋndo wa faŋgaa tɛɛŋ mbo sinaŋ wanapilɛyɛi. O yɔŋ bɛɛ aa nyɛ tosa ni ma wa wanapilɛyɛi sinaŋndo, kɛsiŋ o kɔl maa Baabuiyo nɔla mbo mala num. Baabuiyo chɔm nyɛ kpeekpei mala naa le wanapilɛyɛi chɔulabaa wo sanaa a chaŋyaŋ naŋ nɔ woŋ kindioo poŋ.
Sawala mandaala Baabui mala naalaŋ
Wa fɛɛsɛŋ le baltaŋ dɔwɔɔ a waŋnda. O cho ko waŋnda dimullo a yiyaŋnda numndaŋ okɔɔ le cho suɛi sɔvɛ le, kɛ a nɔ vɛlɛ ma wa wana yaŋaa lani kɛndɛ. Mɛɛ naŋ chɔm yeemɛi fau o acheleŋnda niŋ yɛ, lende koni chaŋyɛi nɛi hiau lachi a kaloo poŋ ni.
Sawa mandaa Baabuiyo: “O wa ko le dɛnɛ nya kɛndɔɔ suee le nya landuŋ kɔl te. Kɛ la landuŋ vɛlɛ kɔl le dɛnɛ kɛndɛ chaanda.”—Filipiaŋnda 2:4.
Tosa chaŋyɛi a wana o wana. Wa fɛɛsɛŋ le chaŋyɛi tosaa a bɛnduaa yuuwa, feleŋguaa, wana nya fula kɔɔlima pilɛ le wa, nduyɛ a wanaa nya fula lɛŋii pilɛ le wa.
Sawa mandaa Baabuiyo:— “La chɔm kɔlta nyalaŋ kpendekele.” 2 Kɔliŋtiaŋ 6:13.
Le ma chɔɔlu sina a mɛɛ wana kindi chaŋyɛi a wanaa cheleŋnda yɛ, veelu diomndaŋ o suɛi lebolle hei bɛŋgu “Yeemɛi Naŋ nɔ le Chaŋyaŋ Nɔɔ Woŋ Peeloo.”
a Chieeŋndo Balɔɔ Silɔ Wanaa Bɔɔbɔɔ Cho Hau Yololɛ Nduyɛ ma wa Wanapilɛyɛi Sinaŋndo: The U.S. Surgeon General’s Advisory on the Healing Effects of Social Connection and Community, 2023.
