A teleŋ Chiisu wa o lɛŋnde cho wo, mbo chɔm mɛɛ kpɛ o kaala waŋnda yɛ, taama taama wanaa bala fonduaa a wanaa wa a kɔlta tambɛilaŋ nda. (Maatiu 9:​36) Nduyɛ pɛŋ mbo soli yoomu ndɔɔ sala le waŋnda chieeya baŋaa. (Maatiu 20:​28; Chɔŋ 15:​13) O lo chobe mi Chiisu huŋ chɔm vɛlɛ kalaa o nɔ le waŋnda chieeya wo sanaa a kpaaya o nɔ o Masale Mɛlɛkaleŋ niŋndo soliŋ kpeku le bala fondola chiiyo o chieeŋndo cho kpou.

 Mi Baabuiyo soliŋ diomnda sɔvɛlaŋ kpeku, le naa chɔmndo nyɛ Chiisu cho hunɔɔ tosa wo:

•   “Maa o suŋgu le wanaa bala fonduaa waŋnda tɛɛŋ, Nduyɛ mbo piŋi chuauwaa wanaa bala fonduaa.”—Sam 72:​4.

 Vɛɛ naŋ chɔm yɛ balika melaa le nyɛ o nyɛ Chiisu tosa le naa vɛlɛ a nyɛ o cho hunɔɔ tosa o chilaŋ niŋndo? O Luku 22:​19 mi Chiisu dimul buɛiyaa nduaa le ma loonɔŋndo a piɔm ndɔɔ okɔɔ. Le sabu koŋ iwɔsi o iwɔsi mi Seiyaa Chɛhowaa chieeŋndo balɔɔ silɔ chuuŋgiaŋ le loonɔŋndo o piɔm Chiisu wo okɔɔ. Ŋ cho num veloo le ma huŋ bii bɔŋaŋ loonuŋyaa a naa latulu o Kuɛɛndoo choo Fuoo 24, 2024.

Tofa le naa loonuŋyaa cho biinɔŋ num ikɛiya