A teleŋ Chiisu wa o lɛŋndeŋ choo wo, mbo chɔm mɛɛ kpɛ o kaala waŋnda chieeya yɛ sanaa a mɛɛ o yɔŋgu yoomu ndɔɔ le nda yɛ. (Maatiu 20:​28; Chɔŋ 15:​13) O cho vɛlɛ suŋ kaala ndɔɔ chɔm le waŋnda chiee sanaa a kpaayaa o nɔ o Masale Mɛlɛkaleŋ niŋndo soliŋndo kpeku le mbo chii “chɔulaŋ o lɛŋndeŋ choo kpou.”—Sam 46:​9.

 Ŋ yaasiaŋ ndɔ miŋ che nyɛ Baabuiyo dimi a nyɛ Chiisu cho hunɔɔ tosa wo okɔɔ:

•   “Kanifuule o cho wanaa bala fonduaa cho chaŋndo le malaa wa piŋi, Vɛlɛ a wanaa cho mɔnɛi biyɔɔ kɛ a nɔ wana malaa le wa. O cho wanaa cho mɔnɛi biyɔɔ wa a wanaa bala fonduaa nyiɛɛye tuiinɔŋ, Nduyɛ mbo piŋi yoomula wanaa bala fonduaa. O cho nda piŋi wanaa handu nda nyɛkindilaa choo wa a wanaa bii nda ŋuasu ŋuasu wa o ba.”—Sam 72:​12-14.

 Vɛɛ naŋ chɔm yɛ balika melaa le nyɛ o nyɛ Chiisu tosa le naa vɛlɛ a nyɛ o cho hunɔɔ tosa o chilaŋ niŋndo? O Luku 22:​19 mi Chiisu dimul buɛiyaa nduaa le ma loonɔŋndo a piɔm ndɔɔ okɔɔ. Le sabu koŋ iwɔsi o iwɔsi mi Seiyaa Chɛhowaa chieeŋndo balɔɔ silɔ chuuŋgiaŋ le loonɔŋndo o piɔm Chiisu wo okɔɔ. Ŋ cho num veloo le ma huŋ bii bɔŋaŋ loonuŋyaa a naa latulu o Kuɛɛndoo choo Fuoo 24, 2024.

Tofa le naa loonuŋyaa cho biinɔŋ num ikɛiya