Chiisu sina nyɛ o simndo, te ŋ wa pɛ saŋgaa le mɛɛ nda tosal naa sɔɔŋ wɔɔŋndoŋ a kafalaŋ yɛ. Ma nyindu ndu choolaŋ choo, ma luaa ndu mi che bɛɛ o tɛɛmbuu sawa le, ma tɛndal ndu seile lakafaleŋ, ma kilul ndu yamɛi lakafɛi nduyɛ mbo sɔla piɔm imɔnɔɔ. Mi che bɛɛ ndoo tɛɛmbuu isɔɔ le, kɛ mbo chɛ a kɔl ndɔɔ kpou le “mbo yɔŋgu yoomu ndɔɔ le wanaa bɔɔbɔɔ baŋaa.” (Maatiu 20:​28; Chɔŋ 15:​13) Chiisu cho niŋ suŋ suŋ Masaa le Masale Mɛlɛkaleŋ, nduyɛ o cho suŋ kafalaŋ a sɔɔŋ wɔɔŋnda nda tosal waŋnda o chieeŋndo choo woŋ kpou chii.—Aisaya 42:​3.

 Mi Baabuiyo chɔm mɛɛ sɔɔŋ wa niŋ yɛ, te masale Chiisuleŋ le hiŋ pɛ o chieeŋndo choo:

•    “Mi wanaa dɛnɛ wɔɔŋnda lo pɛ. A tofa niŋ naa nda wa paandu wa, A seeluŋ niŋ nda loŋ te. Kɛ wanaa tusiaŋnda cho wa o lɛŋndeŋ choo, Okoŋ ma tuei kɔl nyulu bɛndoo yeela.”—Sam 37:​10, 11.

 Vɛɛ naŋ chɔm yɛ balika melaa le nyɛ o nyɛ Chiisu tosa le naa vɛlɛ a nyɛ o cho hunɔɔ tosa o chilaŋ niŋndo? O Luku 22:​19 mi Chiisu dimul buɛiyaa nduaa le ma loonɔŋndo a piɔm ndɔɔ okɔɔ. Le sabu koŋ iwɔsi o iwɔsi mi Seiyaa Chɛhowaa chieeŋndo balɔɔ silɔ chuuŋgiaŋ le loonɔŋndo o piɔm Chiisu wo okɔɔ. Ŋ cho num veloo le ma huŋ bii bɔŋaŋ loonuŋyaa a naa latulu o Kuɛɛndoo choo Fuoo 24, 2024.

Tofa le naa loonuŋyaa cho biinɔŋ num ikɛiya