A Bukuloo 22, 2023 mi wana chiɔuwaa pilɛ o cho wana bɛndoo le kɔɔnala kɛndiaa le chieeŋndo kpou wo diolaŋ Tediɔɔ Adhanɔm Kebileyesu dimi aa: “Mi che bɛɛ Naa Kolonaa cho lɛ maa paandu le, kɛ ŋ nɔ miŋ yiyaŋ nuaa maa naa cheleŋ cho lɛ hunɔɔ o chilaŋ niŋ te le. Te naa cheleŋ del pɛ, ŋ nɔ miŋ wa a bɛɛndiaŋ le ndu.”

 Naa Kolonaa tosa mi wanaa bɔɔbɔɔ wa hau saŋgaa a kɛndiaa lepɛŋndo. O fulawɔ o kɛndiaa lepɛŋ naŋ nɔ suŋ suŋndo kɔɔli, baa Masɛi chieeŋnde a kɔɔna cho le kɛndiaa wo cho pa a bɛɛndiaŋ te naa taŋ waŋnda wo o cheleŋ del vɛlɛ pɛ?

 Mi Baabuiyo suaa a Masale cho tosa miŋ nɔ kɛndiaa walaŋndo wo okɔɔ. Mbo dimi aa: “Mɛlɛka cho o choo choo wo cho hunɔɔ Masale cheleŋ hɛli.” (Daaniɛɛ 2:​44) O Masaleŋ ndeŋ bɛŋgu “waŋndo bɛɛ dimi niŋ maa nyɛ waa nuaa o cho ndu nɛi le.” (Aisaya 33:​24) A teleŋ koŋ wana o wana cho kɛndiaa walaŋndo tueiyɔɔ yeela, nduyɛ ma miiŋgu mɛɛ nda o feleŋgɔyɛi nduɛi niŋ yɛ.—Choobu 33:​25.