LA WA LAHƆL!
Kilisiɔŋnda a Chuɔlaŋ—Yɛɛ Baabuiyo Dimi Yɛ?
Mɛɛ chɔuwo del Yukileŋ, mi simlachiaa lekaanda dɛɛniaa waŋnda le ma wou balaŋ o sɔŋgɔɔ hoo niŋ. Tofa ma che mɛɛ simlachiaa haa toolu kundala cho o sɔŋgɔɔ hoo niŋndaŋ yɛ:
A mɛɛ kona la yooŋgoo dimi yɛ, a Fuoo 16, 2022 mi Mɛtipolitan Ɛpifaniyɔs Tasoo o Kiyɛf niŋ dimi aa: “Ŋ nɔ bɔɔ bɛɛleŋ a balika melaa le puaa chɔuwaa cho sɔŋgaa a yaamɔɔwa naa le lɛŋnde Yukileŋndeŋ mandaa wa. Ŋ cho wa piɛileŋ le nda a kɔlta naalaŋ kpou, nduyɛ miŋ tosa a sabu le nda mala nda yeema wo kioo.”
A mɛɛ konaa le Nyaakuɛiyo 3, 2022 dimi yɛ. “Mi simlachinɔɔ le Kaŋnde Otodɔsileŋ o Lɔɔsiaa niŋ bii bɔŋaŋndo a puaa chɔuwa o Kuɛɛndoo choo. Mbo dimul maa nda kinɛi tiuba ni ma chɔulaba le Lɔɔsiaa. Kanifuule Lɔɔsiaa kɔ del Yukileŋ choo a sɔŋgɔɔ.”
Baa Kilisiɔŋnda nɔ pa ma wou balaŋ le chɔuwo niŋ? Yɛɛ Baabuiyo dimi yɛ?
Nyɛ kpeekpei Baabuiyo dimi wo
Baabuiyo chɔm naa maa buɛiyaa Chiisu wa wou laba o chɔu niŋ te.
“Miŋgi muɛi numnde o boo ndɔɔ niŋ. Kanifuule, wanaa sɔŋga a muɛi ya, a muɛi nda dii nda ni.”—Maatiu 26:52.
Baa wana chɛl chɔuwo wo a wana sɔŋga leniŋndo cho pa nyɛ Chiisu dimi wo diikɔŋndo?
“I cho nya sawa sɛnɛiyo ke. Ndu cho ni maa, la kaaliaŋ vellaa velle. Mɛɛ ya kaala nya yɛ, nya bɛɛ la kaaliaŋ lende vellaa velle. Te la kaaliaŋ pɛ vellaa velle, waŋnda kpou cho sina maa buɛiyaa niaa nya cho ni.”—Chɔŋ 13:34, 35.
Baa wana cho chɔuwo tooloo wo cho pa kaala Chiisu dimi maa a cho buɛiyaa nduaa sina wo chɔmndo?
Le chɔloo sinaa veelu diomnda o suɛi lebolle hei niŋ, “Kilisiɔŋndeŋ le Chɛlaŋ pa a Chɔuwo?”
Kilisiɔŋnda a chɔulaŋ hau
Baa i cho pa hau bɛɛŋ bɛɛŋ le mi Kilisiɔŋnda fafaŋ balaŋ wouwo o chɔulaŋ niŋ? Ei. Mi Baabuiyo veelu teleŋ naa hoo aa “palɛi mɛɛlɛi.” Waŋnda o lɛŋnde niŋ kpou cho pɛɛku le balaŋ solioo o chɔuwo niŋ le Chiisu diikɔŋndo.—Aisaya 2:2, 4.
Le chɔɔloo sinaa veelu diomndaŋ o Bandu Mɛŋgɛlaa hoo niŋ. Suɛi lebolle aa “Vɛɛ Mɛlɛka Che yɛ Chɔuwo?”
O lo niŋ chobe mi Chɛhowa a, “Mɛlɛka kɔl nyuloo” hiŋ a Masale ndɔleŋ le ‘wanaa tambɛiyaa nda cho nyɛpalaa tusioo choo wa chiindiaa.’—Filipiaŋnda 4:9; Sam 72:14.
Le ma che mɛɛ hei cho tonya yɛ, tofa vidueiyo hoo Yɛɛ Cho yɛ Masale Mɛlɛkaleŋ?
a Mɛlɛka diola ndɔla kpeekpeilaŋ la cho Chɛhowa ni.—Sam 83:18.
Naapum a Yeema Dɔɔ Vɛlɛ
PƐƐKULA SƆVƐLA BAABUIYO
Le Yɛɛ Mɛlɛka Chɛllɛ mi Nyɛpalaa Wa?
Mi wanaa bɔɔbɔɔ nyuna le sabu yɛletulaaleŋ a nyɛpalaa cho o piaa cha o chieeŋndo niŋndo. Baabuiyo yɔŋgu naa muli ke naa kɔl hiniaa a kɔl dɛɛniaa wo.
PƐƐKULA BAABUIYO
Tofa Ma Che Mɛɛ Naŋ Tosa Pɛɛku Baabuiyo Hoo Yɛ
Kindiŋ ma sɔla pɛɛku Baabui waŋndo wa num malaa wo.
