Miŋ tuei konalaŋ a sɔŋgɔ lekaa wo, waŋnda dimioo diomnda wɔɔŋndaŋ, delɔɔla choolaŋ, a chɔulaŋ.

•   “Chɔu cho Isɔluɛi tɛɛŋ a Kasa wo, vɛlɛ a nyɛ wanaa wɔɔŋnda cho tosaa wo cho waŋnda nyindɔɔ ni le diomnda wɔɔŋndaŋ dimioo o intanɛtiiyo choo.”​—The New York Times, Bɛŋgufɔnɔɔ 15, 2023.

•   “Chɔŋ niŋ a Saa 7, yɛletulaaleŋ, diomnda wɔɔŋndaŋ, a dɛnɛ wɔɔŋndo kui o chieeŋndo choo mbo hiau maa paandu.” Lende Dɛnisi Filaŋse o cho wana bɛndoo le Chuuŋgiaŋ Kɔɔna Chieeŋndo (UN) dimi ni. A Bɛŋgufɔnɔɔ  3, 2023.

 Sɔɔŋ wɔɔŋndoŋ dimioo, delɔɔla choolaŋ, a chɔulaŋ cho sɔɔŋ sɛnɛi le naa le. Kanifuule mi Baabuiyo tɛɛsiaa paandu pa a waŋnda haa okɔɔ maa: “Diomnda wɔɔŋnda nda dimul waŋnda laŋ, komallo nda mɛɛ nda wa nuaa waŋndo vii viiyo a chiŋuaŋ yɛ” nduyɛ waŋnda haa yeemɛi le chɔuwo a delɔɔla choolaŋ la cho nda o kɔl ni. (Sam 64:​3; 120:​7; 140:​1) Baabuiyo chɔm kpendekele maa yɛletulaale naŋ cho hau chɔɔ leŋ le nɔ saboo.

 Baabuiyo chɔm sabulaŋ la tiɔɔŋ le mɛɛ yɛletulaaleŋ le cho hau tau yɛ.

1.  1. Mbo dimi huuluei maa teleŋ cho fuuluu mi “kaala wanaa bɔɔbɔɔ nɔ wo . . . nyulul.” (Maatiu 24:​12) Le mɛɛ waŋnda nɔ hau kaala kposoŋ te yɛ cho tosaa ni, mi wanaa bɔɔbɔɔ nɔ hau kaa yɛletulaa.—2 Timoti 3:​1-5.

2.  2. Setana nyina wɔɔŋndo cho tosaa ni mi yɛletulaaleŋ a dɛnɛ wɔɔŋndo wa hiouwɔɔ lachi a kuiyo tau tau. Mi Baabuiyo dimi a ndu okɔɔ aa: “Kɛ chieeŋndo kpou, o cho o kpaaya wana dɛnɛ wɔɔŋndo bɛŋgu.”—1 Chɔŋ 5:​19; Sɔɔŋ Chɔɔmaŋndoŋ 12:​9, 12.

 Kɛ, Baabuiyo dimi maa Mɛlɛka cho suŋ hunɔɔ faŋa nyɛ tosa mi yɛletulaaleŋ le wa wo. I hiou kpou ve, o cho hunɔɔ saŋgala kɛ kɛ yɛletulaaleŋ le cho hau tosaa mi waŋnda wa saŋgaa wo chii. Baabuiyo mɛi lediom maa:

•   Mɛlɛka “cho nda mamɛmɛ o mamɛmɛ wɔɔsuu o hɔl fo. Piɔm ve lɛ niŋ te, chaŋ ve lɛ niŋ te, kɔl tambɛi ve lɛ niŋ te, kɛlɛŋgaa mi nyɛ nɛiyaa wa, kanifuule nyɛ o nyɛ paandu chuu faŋaŋ.”—Sɔɔŋ Chɔɔmaŋndoŋ 21:​4.