Mi waŋnda tambu kɔl tau te a dɔu pɛ tiindaŋndo o waŋndo niŋ, mi wana koŋ hui nda. Wanaa bɔɔbɔɔ nɔ lɛ hau tiindaŋndo o . . .

•   simlachiaa chieeŋnda niŋ te, kanifuule ma handu yeemaŋ ndaŋ nyɛ tase okoŋ ma puɛɛnuŋ a yeemaŋ acheleŋnda.

•   wanaa yɔŋgu yooŋgulaŋ nda niŋ te, kanifuule, ma chɔm kaa hɛliaa o konala nda yɔŋgu laŋ niŋ nduyɛ lapum tonya ve leniŋ te.

•   wanaa sinaa dɛniaa bɛnduaa niŋ te, kanifuule a tosa sɔɔŋ chuu waŋnda kpou tɔnɔɔ woŋ te.

•   simlachiaa lepiɛiyaa cho a yiŋnaŋ o yalale chieeŋndeŋ niŋ ma kɛɛ le hɛnaŋ Mɛlɛkaa tosaa wa niŋ te.

 Te waŋnda kɛɛsiaa pɛ le waa yekeŋ a wanaa nda tiindaŋ nda okɔɔ, a nɔ dioo le keŋ tosaa. Baabuiyo sila naa aa:

•   “La duau tiindaŋndo o wanaa bɛnduaa niŋ te, Kɛlɛŋgaa niŋ te wanachioo, o nɔla mbo piŋi wana le wo.”—Sam 146:​3

  Baabuiyo chɔm naa wana naŋ nɔla miŋ tiindaŋ ndo, ndu yɛ Chiisu Kiliti. Chiisu ve ko wana kɛndɛ wa yoomu o wɔsiŋ bɔɔbɔɔ hiou woŋ niŋ te. Mɛlɛka hɛli ndu le mbo wa “Masaa. . . . Nduyɛ Masale ndɔleŋ le nɔ niŋ lamɛɛlu le.” (Luku 1:​32, 33) Chiisu cho Masaa le Masale Mɛlɛkaleŋ ni. Nduyɛ Masaleŋ ndeŋ le cho niŋ suŋ suŋ o choo choo niŋ.—Maatiu 6:​10.

•   Le sinaa le sabu ŋ nɔ ma dɔu tiindaŋ numndo o Chiisu niŋndo, veelu diomndaŋ o buŋgaŋ muŋ niŋ “Nɛɛ Cho yɛ Masaa le Masale Mɛlɛkaleŋ?” a ““Yɛɛ Masale Mɛlɛkaleŋ le Cho yɛ Tosa?”