A mɛɛ kona Katolikiiya dimi yɛ, a Fuoo 25, 2022, mi Katolikiiya bii bɔŋaŋ pilɛ o Sent Pitɛ Basilica niŋ, nduyɛ mi Pop Filaŋsis sim piɔm nda tuula maa Meele wo lachi mbo “kinda hɔltaŋ nduyɛ mbo tundu bolleŋ mbo piɛi o kɔl niŋ.” Mbo “nyɔɔlu le mi Meele ke nda kɔl nyuloo.” Mi Konaa Katolikiiya o chiee bɛndoo Vatikaŋ niŋ chɔɔlu dimi aa “Pop Filaŋsis piɛi o Meele diandaa lo le waŋnda salaa dɔwɔɔ. Taama taama le waŋnda Lɔɔsiaa a Yukiliŋ.”

 Yɛɛ ŋ yiyaŋ yɛ? Baa o bɛnda pa ma piɛi piɔmnda ɔɔ ma soliŋ nda kpeku le Mɛlɛka piɛiyo? Ŋ yaasiaŋndɔ bolii Baabui cho hei amatou ve:

•   “La nɔ mi la sɛl piɔmndo ɔɔ velaŋ nyɛ o nyɛ waa o choo choo niŋ, o lɛŋndeŋ choo, ɔɔ nyɛ cho o mɛŋndaŋ bɛŋgu wo le. La nɔ mi la beŋ muŋ wulaŋ, ɔɔ mi wana vɛɛlu nya le muŋ sooluuwo le. Kanifuule ya Chɛhowa Mɛlɛka nyaa, yapilɛ kpe nya nɔ ni mi la piɛi.”—Ɛsɔdɔɔ 20:​4, 5. a

•   “Waŋnda haa, mɛlɛkaa ndaa, waŋnda chieeya toosiaa nda a laba ni. Kanii humbuei, a kooliiye nda teeŋgiaa ni ma toosiaa nda. Mɛlɛkaa ndaa a nɔ sondolaŋ, kɛ a suu le. A nɔ hɔltaŋ kɛ a chi le. A nɔ nilaŋ kɛ a tuii le, A nɔ miŋndaŋ, kɛ a tuii nyɛ chuŋ te. A nɔ balaŋ, kɛ nyɛ pilaŋ bɛɛ laŋ, a sinaŋ te, a nɔ peloŋ, kɛ a kuei le, kpɛkɛlɛ bɛɛ a kuŋ te. Mbɔ maa wanaa toosiaa mɛlɛkaa haa wa a simnuŋ mɛɛ mɛlɛkaa kaŋ a cho nuaa yɛ fɔ, nduyɛ, mbɔ maa wanaa dɔu tiindaŋndo o mɛlɛkaa haa niŋ nda, a simnum maa mɛlɛkaa haa fɔ.”—Sam 115:​4-8.

•   “Ya cho Mɛlɛka Yaawɛɛ ni. Diola nilaŋ la cho laŋ ni. I piɔuwaŋ naŋɔɔ cho le ya wo a wana o wana le.”—Aisaya 42:​8, Tofa tɛɛsiaa amatou.

•   “La luei balaŋ o piɔmnda sooluuwo niŋ te.”—1 Kɔliŋtiaŋ 10:​14.

•   “La sooluu piɔmnda le.”—1 Chɔŋ 5:​21.

 Le chɔɔloo sinaa nyɛ Baabuiyo dimi a piɔmnda sooluuwo okɔɔ wo, tofa buŋgɛi hei, “Nyɛ Baabuiyo Dimi a Piɔmnda Sooluuwo Okɔɔ Wo” ɔɔ ma tofa vidueiyo hoo, Baa Mɛlɛka Chɛl Pa Miŋ Soliŋ Piɔmnda Kpeku le Ndu Piɛiyo?

 Naapum a cho yeemɛi nɔ le sinaa nyɛ Baabuiyo dimi a buŋgaŋ muŋ okɔɔ woŋ:

•   “Chua Yufuaanɔɔ Meele—Yɛɛ Baabuiyo Dimi yɛ a Ndu Okɔɔ?”

•   “Baa a Nɔ Pa Maa Piɛi o Chua Yufuaanɔɔ Meele Lo?”

•   “Kaamaala Nyinaa Wɔɔŋnda—Baa o Mɛlɛka lo la Chɛŋ Ni?”

•   “Kɔl Nyuloo o Chieeŋndo Niŋ—Vɛɛ o Cho yɛ Hunɔɔ?”

Photo credit: Vincenzo Pinto/AFP via Getty Images