Tɔnɔɔ Naŋ Sɔla o Piɔm Chiisu Wo Niŋndo
Wɔsi kɛ kɛ, mi Seiyaa Chɛhowaa vɛlɛ a wanaa nda veelu o miiliɔŋndaŋ niŋ chieeŋndo balɔɔ silɔ wa chuuŋgiaŋ le loonɔŋndo a piɔm Chiisu wo okɔɔ, a mɛɛ o dimul naa le tosaa yɛ. (Luku 22:19) Bɔŋaŋndo hoo mala naa le miŋ chɔm balika melaa le nyɛ Chiisu tosa le naa wo. Nduyɛ hei chɔm vɛlɛ nyɛ piɔm ndɔɔ sim le naa suŋ suŋndo vɛlɛ a o chilaŋ niŋ.—Chɔŋ 3:16.
O yɔŋ bɛɛ ma bii loonuŋyaa naŋndee ɔɔ ma bii le, vɛɛ naŋ sɔla yɛ tɔnɔɔ o piɔm Chiisu wo niŋ? Chiisu pɛɛku naa sɔɔŋ sɔviɔŋ ŋmuuŋ ŋ naŋ nɔ miŋ tosa woŋ:
1. Pɛɛku a Chɛhowa vɛlɛ a Chiisu Okɔɔ. Mɛɛ Chiisu wa piɛileŋ o Finya ndɔ lo mbo dimi aa: “Le yoomu fafɛɛŋndo sɔlaa, a nɔ ma sina num, num Mɛlɛka tonyaa numpilɛ kpe, a Chiisu Kiliti, wana ŋ vem ndo.”—Chɔŋ 17:3.
2. Dɔu nyɛ ŋ pɛɛku wo o wali niŋ. Mi Chiisu chɔm naa kpendekele maa ŋ nɔ miŋ dɔu nyɛ o pɛɛku naa wo o wali niŋ. Le tamaseliiyo, a teleŋ o wa piɛileŋ o pembei choo wo mbo mɛɛlu chandɔɔ wanaa ‘tuei diomnda ndɔlaŋ nda, nduyɛ ma tosa nyɛ la dimi wo wa.’ (Luku 6:46-48) Okoŋ okɔɔ, mbo dimi vɛlɛ teleŋ cheleŋ aa: “Te la sina pɛ sɔɔŋ muŋ, nduyɛ mi la tosa muŋ, la cho wa a kɔl kɛndɛ.”—Chɔŋ 13:17.
Baa a yeema pa ma chɔɔlu pɛɛku a Mɛlɛka vɛlɛ a Chiisu okɔɔ? Baa a yeema pa malaa le nyɛ ŋ pɛɛku wo dɔwɔɔ o wali niŋ? Nau nɛilaŋ la tiŋ la mala num ndaŋ.
Pɛɛku Baabuiyo
Pɛɛku Baabui ŋ paawa nyɛ o nyɛ le wo mala niŋ wanaa bɔɔbɔɔ, le Baabuiyo yaasiaa nduyɛ a le ma dɔu nyɛ nda pɛɛku wo o wali niŋ.
Le chɔɔloo sinaa mɛɛ naŋ tosa pɛɛku Baabuiyo hoo yɛ, kɔ o Intanɛtiiyo choo ma Nyuna Le Pɛɛku Baabuiyo.
Tofa Vidueiyo hoo A chaa Hunɔɔ le Pɛɛku Baabui Numndo le sinaa mɛɛ Seiyaa Chɛhowaa tosa pɛɛku Baabuiyo a waŋnda yɛ.
Bɔŋaŋnda Seiyaa Chɛhowaa
Mi Seiyaa Chɛhowaa Chuuŋgiaŋ le diiŋ o lɔɔ kɛ kɛ bɛŋgu le Mɛlɛka piɛiyo o foŋndaŋ nda veelu aa Toŋgo leMasaa wo. O bɔŋaŋnda ndalaŋ, ma yaasiaa a Baabuiyo okɔɔ, nduyɛ a mɛɛ nda duau nyɛ nda pɛɛku wo o wali niŋ yɛ.
Bɔŋaŋndaŋ laŋ la cho le wana o wana fee; o cho naa maa mɛɛ wa fɛɛŋ Seiyaa Chɛhowaa malaŋ ŋ bii laŋ te le. A mɛɛ bahawɛilaŋ la cho o tanda nyaa niŋ yɛ, a tiuba ma bii bɔŋaŋndaŋ a waŋnda latulu ɔɔ o intanɛtiiyo choo.
Tofa vidueiyo hoo Yɛɛ Naŋ Tosa yɛ o Toŋgo naa leMasaa Niŋ le num malaa ma che nyɛ yɔŋnuŋ te a kuɛ pɛ o bɔŋaŋnda Seiyaa Chɛhowaa wo.
A tiuba ma saaluŋ toŋgo leMasaa num ikɛi Kpɛɛluŋ te a kuɛ pɛ o intanɛtiiyo choo o foŋndaŋ ndo hoo Kɔ o Bɔŋaŋndo.
Yaulaŋ o intanɛtiiyo choo
Yaulaŋ a vidueila bɔɔbɔɔ la cho o intanɛtiiyo choo la mala num ma sina a pɛɛkula Chiisu laŋ okɔɔ, vɛlɛ a mɛɛ piɔm ndɔɔ cho o sɔvɛ yɛ.
Le Tamaseliiyo, le sinaa mɛɛ piɔm wana pilɔɔ chuu waŋnda o miiliɔŋndaŋ niŋ tɔnɔɔ yɛ, veelu diomndaŋ o sɔɔŋ lebolloŋ muŋ niŋ “Chiisu Baŋaŋ Naa—Vɛɛnɛ?,” “Le Yɛɛ Chiisu Sɔla yɛ Saŋgaa Nduyɛ Mbo Wu?” ɔɔ tofa vidueiyo hoo Le Yɛɛ Chiisu Vi Yɛ?