O wɔsi 2024 hei niŋ, ŋ cho saalɔŋ maa lɛŋii bɔɔbɔɔ chieeŋndo balɔɔ silɔ, cho wa yaulaŋ malɔɔ le masaa hɛlioo, mbo hiou maa paandu. Kɛ a koŋ kpou, wanaa bɔɔbɔɔ tiindaŋ ndɛ wanaa cho o yalale chieeŋndeŋ niŋnda le.

•   Mi wanaa bɔɔbɔɔ o Amɛlika niŋ dimi aa: wanaa cho hau o yalale chieeŋndeŋ niŋ nda nɔ bɔɔ kaa ikaayioo, nduyɛ maa le yeemɛi nda pilɛi kinɛi nda handu kɔllo choo ni, kɛ o cho le wanaa nda cho masaa choo wa le. a—Pew Research Center, Tapioo 19, 2023.

 Feleŋguaa bɔɔbɔɔ hau bɛɛ nɔ tiindaŋ o wana cho o yalale chieeŋndeŋ niŋ nda le.

•   “Mi Feleŋguaa bɔɔbɔɔ kindiŋ hau le batiuwaa sɔlaa o bahawɛila ndalaŋ niŋ, kɛ ma mɛɛlu dimi aa, wanaa cho o yalale chieeŋndeŋ niŋnda cho nɛi nuuviaa le bahawɛila ndalaŋ solioo le.”—The New York Times, Tɛɛkpaa 29, 2024.

•   A mɛɛ Puu dimi yɛ, “feleŋguaa bɔɔbɔɔ nɔ hau tiindaŋndo o vidueila waŋnda handu o intanɛtiiyo choo laŋ, mbo hiau wanaa cho o yalale chieeŋndeŋ niŋ nda tiindaŋndo.”—The Korea Times, Tɛɛkpaa 22, 2024.

 Baa ŋ tiindaŋ pa wanaa cho o yalale chieeŋndeŋ niŋnda le chila kɛndɛ laŋ? Nɛɛ kpeekpei naŋ nɔ yɛ miŋ tiindaŋ?

 Waŋnda nɔ ma wa yekeŋ te o hiŋ pɛ a wanaa nda nɔ maa tiindaŋnda. Mi Baabuiyo dimi aa: “Diɔmndo, nyɛ o nyɛ wana dimul ndu, laalaŋndo o laalaŋ ni. Kɛ wana kɔl kaloo ndu, lɔɔ pa mbo tosa nyɛ o nyɛ, mɛɛ mbo yiyaŋ nyɛ kɛndɛi.” —Pulɔwaa 14:​15.

•   Le kɛɛsiaa tosaa a nyɛ mala num le sinaa yooŋgula kɛndɛlaŋ vɛlɛ a la wɔɔŋndaŋ ndo, veelu diomndaŋ o suɛi lebolle hei bɛŋgu “Mandaŋ a Yooŋgula Lachoowalaŋ.”

 Le handɔɔ lechoo, wanaa cho o yalale chieeŋndeŋ niŋnda a pum nɔ yiyaŋ kɛndɔɔ, nduyɛ mi waŋnda tiindaŋ nda, kɛ o kpeekpei niŋ nda bɛɛ tiuba le nyɛ o nyɛ tosaa le. Lelaŋ pɛŋ Baabuiyo sila naa ni aa:

•   “O bɛnda mi wana dɔu tiindaŋndo o wanaa bɛnduaa niŋ te.”—Sam 146:​3. Good News Translation

 Baabuiyo chɔm naa a masa Mɛlɛka hɛli o nɔ taasioo nduyɛ mbo wa wana wana tiindaŋndo. Ndu cho yɛ Chiisu Kiliti ni. (Luku 1:​32, 33) Chiisu cho Masaa le Masale Mɛlɛkaleŋ ni, nduyɛ Masaleŋ ndeŋ le cho o choo choo niŋ.—Maatiu 6:​10.

•   Pɛɛku le sabu naŋ nɔ miŋ nɔ tiindaŋndo o Chiisu niŋ, nduyɛ a nyɛ o cho hunɔɔ tosa le bahawɛila naalaŋ chiiyo wo. Veelu diomndaŋ o suɛi lebolle hei bɛŋgu “Nɛɛ Cho yɛ Masaa le Masale Mɛlɛkaleŋ?” “Yɛɛ Masale Mɛlɛkaleŋ le Cho yɛ Tosa?”