Wanaa Di Ŋvisi le Wa—Yɛɛ Baabuiyo Dimi Yɛ?
Chieeŋndo balɔɔ silɔ wanaa bɔɔbɔɔ cho a di ŋvisi le.
Mi yau pilɛ suaa a yiyaŋ waŋnda haa okɔɔ maa, o yoomu ndaa niŋ a di ŋvisi le. Nduyɛ a soliŋ nda kpeku le nyɛlaŋ ɔɔ nyɛm cheleŋndoŋ toosiaa le.
Le handɔɔ lechoo, waŋnda apum kɛɛsiaa maa a cho ŋvisi dio le kanifuule, a yeema hiouwɔɔ lachioo o tanda nda cho niŋndo, kɛndiaa ndaa vɛlɛ a piɛile nda cho niŋndeŋ.
Mi yau yaasiaa ŋsɔɔ pilɛ dimi maa wanaa kɛɛsiaa maa a cho ŋvisi dio le wa cho teŋgeŋ a wanaa tosa yɛlɛmiaa le muŋ dioo tuuleŋ nda. Kanifuule wanaa kɛɛsiaa maa a cho ŋvisi dio le wa tɔlnuŋ o yiyaŋ ndaa choo, nyɛ nda yeema wo cho koŋ ni, nduyɛ a yiyaŋ maa teleŋ cho fuuluu mi chieeŋndo wa o kɛndɛ.
Baa visioŋ kiɔɔ dioo cho pa nɛiyo opilɛ o tosa mi chieeŋndo wa o kɛndɛ wo? Yɛɛ Baabuiyo dimi yɛ?
Yiyaŋ wana toosiaa nɔ le waŋchieeya a visiaa wo
Baabuiyo chɔm naa yiyaŋ wana toosiaa Chɛhowa Mɛlɛka a nɔ le waŋchieeya a visiaa wo. Mbo ke waŋchieeya dioo le ma nɔ kpaayaa visiaa choo. (Chɛnɛsee 1:27, 28) Mi Mɛlɛka ke waŋchieeyaa dioo le ma de visiaa. (Chɛnɛsee 9:3) Kɛ a koŋ kpou, o chɛl miŋ bii nda biyɔɔ wɔɔŋndo le.—Pulɔwaa 12:10.
A mɛɛ Baabuiyo dimi yɛ, naapila nɔ ni miŋ tosa kɛɛsiaa le visioŋ dioo ɔɔ miŋ kɛɛ. b O cho kɛɛsiaa naa le tosa miŋ wa wanaa sɔvɛ Mɛlɛka o hɔl te. (1 Kɔliŋtiaŋ 8:8) Te acheleŋnda kɛɛsiaa pɛ le muŋ dioo ŋ nɔ miŋ pɛɛsa nda le.—Luomaŋnda 14:3.
Nɛiyo le chila sɔvɛlaŋ
Baabuiyo chɔm naa kpendekele maa kɛɛsiaala naŋ tosa o yoomoo niŋndaŋ, la nɔla mi la siŋga bahawɛilaŋ o chieeŋndo niŋ te. Ŋ nɔla miŋ kuuna bahawɛila cho hau o chieeŋndo niŋndaŋ te, kanifuule la bɔɔbɔɔ tɔlnuŋ o yalale chieeŋndeŋ niŋ, bahawɛi waŋchieeya, vɛlɛ a nyɛsɔlaa lepɛŋndo. Nduyɛ wana chiee tiuba bahawɛilaŋ ndaŋ soli le. Mi Baabuiyo dimi aa:
“Nyɔɔ tunduŋ pɛ wana nɔla ndu siɛndi le.”—Ikilisiaatii 1:15.
Wana toosiaa naa wo cho hunɔɔ bahawɛila naalaŋ faŋa. Mi Baabuiyo tɛɛsiaa mɛɛ o cho hunɔɔ laŋ faŋa yɛ.
“Mi cha choo choo sɛnɛiyo a chieeŋ sɛnɛiyo, kanifuule choo choo paandoo a chieeŋ paandoo faŋaŋ. Nduyɛ pee mɛŋma ihɛllo cho lɛ le.”—Sɔɔŋ Chɔɔmaŋndoŋ 21:1.
Mɛlɛka cho hunɔɔ masɛi chieeŋnde hei siŋga, ɔɔ “choo choo paandoo” a “choo choo sɛnɛiyo”, a Masaleŋ o choo choo niŋ. Masaleŋ ndeŋ le cho hunɔɔ “chieeŋ paandoo” faŋa ndu cho yɛ wanaa dɛnɛ wɔɔŋnda ni. Nduyɛ mi Masale ndɔleŋ le huŋ wa o “chieeŋ sɛnɛiyo” niŋ naa wana chɛl a kɔl ndaa kpou le leŋ diikɔŋndo wa.
O Masale Mɛlɛkaleŋ bɛŋgu kinɛi waŋchieeyaa cho wa walaŋ ni, nduyɛ ma chaa visiaa biyɔɔ a fondaŋ nda cho wa wo.—Aisaya 11:6-9.
a Diola kpeekpeila Mɛlɛkalaŋ la cho Chɛhowa ni.—Sam 83:18.
b Baabuiyo dimul naa maa “la hiou lachi a . . . koowaŋ . . . fafaŋndo.” (Walta Kiilaa 15:28, 29) Hei sim ni maa, ŋ nɔ miŋ kol makoŋgo ɔɔ miŋ de yifaa le, kɛlɛŋgaa niŋ te miŋ de nyɛdiaa nda toosiaa a koowaŋ ndo le.
Naapum a Yeema Dɔɔ Vɛlɛ
BANDU MƐŊGƐLAA
Baa Waŋchieeya Tɛɛmbuu niŋ pa Chieeŋndo o Toosiaŋ Te?
Baabuiyo chɔm ko tambii chieeŋndo cho sɔlaa suŋ suŋndo le, kɛ nyɛ wa niŋ fulamakɔɔlioo wo.
PƐƐKULA SƆVƐLA BAABUIYO
Le Yɛɛ Mɛlɛka Toosiaa yɛ Chieeŋndo?
Chieeŋ naa hoo nɔ bɔɔ nyɛm kɛndɔŋ leniŋ. O cho o kɛsiaa laŋdaŋ a paaleŋ, nduyɛ o fondaŋ o nɔ le waa wo o cho ni, mbo wa muulɔŋndo mɛɛ o nɔ le muulɔŋndo yɛ. Le yɛɛ Mɛlɛka dɔu yɛ sɛmbɔɔ naa kpɛ le chieeŋndo toosiaa?
PƐƐKULA BAABUIYO
Tofa Ma Che Mɛɛ Naŋ Tosa Pɛɛku Baabuiyo Hoo Yɛ
Kindiŋ ma sɔla pɛɛku Baabui waŋndo wa num malaa wo.
